呻

當初成日叫人諗有咩玩 但叫到你玩又唔玩 咁即係點呀? 以後唔好再
問我

唔覆電話真係一件咁理所當然的事?

呻完

燒碳 燒碳

星期日又入左使徒屋企燒碳 諗番上次都已經係8月的事 今次同上次
一樣係粉嶺集合 之後又分頭買野 今次去超級市場買多左野飲! 之後
又係買番d膠杯,膠碟 之後就行去使徒屋企 之後大家hea下 hea下就
成22:00 咁就去開爐啦!

今次又係不停燒腸 XD 其他好似D丸同扒的份量都岩岩好 今次無咩
食淨野 哈 之後同貓貓,ZERO,使徒係度吹水 吹到兩點幾就上返房 玩
多陣MARIO KART就訓左.... MK我以後唔會用架飛機....

大隊 等緊你一月終極燒碳!!!

唉

今朝聽 葡萄成熟時 一聽到開頭0個句就覺得好中.....

差不多冬至 一早一晚還是有雨 當初的堅持現已令你很懷疑很懷疑
到最尾等到只有這枯枝..

睇來我好需要休息...

今日編文錯埋d白痴野 灰 希望pass就夠 不過發覺呢排都係不在狀態
呢兩日係時候好好休息下啦.. 星期四又要做project

忙忙忙

聽日終於考英文的writing test 之前都有做過一次 成日串錯字 大致上
格式都記到 希望聽日順利 之後星期四至六都要繼續攪vaf個project 希望
可以三日內剪好段片 之前哂左好多時間 放聖誕假時希望可以做好份
presentation同html的assignment!!! 講真正出去玩的日子應該都係23同30
日 正日唔知有無人約啦...

終於感受到真正的示威(?)

今日照常的例會 無咩特別... 不過去到六點幾阿爸打比我先知原來
灣仔0個邊好似暴動咁 又封地鐵站同紅隧 心諗唔係咁大件事卦......
之後行左去金雞 見到有電視報道緊 見仲話有裝甲車出動... 唔係真係
暴動卦.... 之後又係不停hae 之後十點零走人

一上巴士就話只係去到中環 無所謂啦 到時再算 搭到中環落車
一落車就勁大風 正 一個人係度行的感覺係唔同d 同我呢兩日的心
情好貼切 之後行過銀行 今年無左棵聖誕樹 不過多左d燈飾 都係
上年靚d! 之後慢慢行 沿途都幾多人 唔似平時的中環... 行左幾個
字就返到去屋企 之後睇新聞完全覺得0個班係暴徒 自製鐵枝又週
圍破壞....

最後當然要多謝有關心過我的人啦 XDXD

比人點中...

既然一哥叫到 點可以唔做呀...

1.由某個blog發起，出一個題目。
2.在自己的blog中完成題目，然後點名另外幾個blog完成同樣的題目。
3.另外的幾個blog完成題目以後再分別點名，依次類推。
4.被點名的blog在完成題目時要注明被哪個blog點名。
5.不可回傳，加一條自己出的題。

最近在看的電視：
無.. 已經太耐無追電視劇....

最近在聽的音樂：
周杰倫的珊瑚海+ stephy的藍鞋子 百聽不厭 XDXD

最近在吃的東西：
呢排多數LUNCH食燒味 貪方便同快...

最近關心的話題： 都無咩.. 關心自己的成績算唔算? XD
最近常去的地方： TY IVE 同旺角? 基本上日日都去..

最近最想做的事：
想聖誕多D節目.....

最近常想的人：
基本上都係0個個 不過唔係度講啦 XD

最近身體情況：
無咩病痛 不過不失 哈...

最近理財狀況 :
見紅 嚴重內出血

對朋友最想說的話：
多D約我出街啦 好悶呀

對自己最想說的話：
想做就去做 唔好再比藉口自己

想一個減肥的良方：
去抽脂啦 XDXD

記憶中做過最瘋狂的事情之一：
應該無喎... 可能我平時太多顧慮

喜歡K歌的程度(1~10)：
7分卦 不過我係情歌向

最喜歡吃的食物：
炸豬扒 牛扒

不吃的幾樣食物：
生蠔 莞茜

最想去的地方：
日本 因為好多野想買 意大利同英國 無咩特別 只係想去

看到馬路上誰覺得最惡心：
理解不能

最想要的禮物：
屋企人健康同唔再成日預到不如意的事 =__=

心目中的伴侶是怎樣的一個人
諗野唔好太細路 已經好好

你現在還單身嗎？如果是，準備什麼時候找一個？如果不是，WHO IS YOUR MATE?
努力緊啦 不過唔得都無辦法

如果養寵物會養什麼，起名字叫做什麼：
狗 名就真係無咩頭緒

如果只剩下一天的時間，你會做什麼：
可能平平淡淡咁過左佢...

最多的時候，你能一心幾用地做事情啊？
1樣 不嬲都係

誰是對你最最重要的人？：
家人同未來的女朋友(?)

來世如果給你充分的自由，你會想做什麼職業？
無所謂 只要過得開心就可以

如果你有曾經的戀人，你現在最想對他（她）說什麼？
同大隊一樣~

如果沒有，那你想對將來的戀人說什麼？
說話就無 或者行動上令佢無時無刻都可以開開心心

what would you do if you got depression?
喊 喊 喊

您認為一個人的過去重要嗎?
都重要 因為好多人都會因為某些事而改變自己的路

父母為你做過最深刻o既一件事係…??:
細個成日病.. 要佢地成日送我去急症室.. 唉...

你會同個仔個女改個咩名: 到時先算

甚麼事令到你刻骨銘心?
叫我諗又諗唔到..

直至lee一刻你最後悔既事係咩??
後悔自己做野太急進

你對將來有咩憧憬?
好"車"望的想法 有自己家庭 大家都開開心心就夠

你覺得現在生活得開心嗎?為什麼?:
認同大隊 能夠活著~總是有趣的~

到底點先算係愛上一個人?
感覺就是感覺 當你遇到她就會明

點先可以樂觀d??: 因為我唔係 唔識答

if 時間可以停….最想留係邊一個stage..?:
返去幼稚園的時候 因為人越大 煩惱都越多

你最記得你既伴侶既一句說話係?
都無過 點會有!!

你覺得追求夢想重要定係有安定ge 生活重要!?
我份人係比較PERFER安定 因為我太多顧慮

人既生存價值係在於咩呢 ?
令自己死後都仲可以有人記得你 當然係要一D正面的事啦

你為甚麼要寫日記/xanga? 寫比自己同朋友睇 主要想呻下0者 XDXD

想唔想長命百歲?!
健健康康 有80歲命左右都好夠

chiman: 認真想想, 請說出自己既優點同缺點?
缺點:都係太顧慮
優點: 守時? XDXD

nest: 你介唔介意另一半既外表?即係你會唔會以貌取人?
唔會 因為好多時都係鍾意佢的性格

Fiona: 你鍾意咩動物??
樹熊 XD 龍貓...

Davy: 點解您會咁得閒做依個問答遊戲既? 咁得閒不如黎留個言呀?
咪就係得閒先做下0者

Ren: 點解能堅持自己理想既人只有咁少?
因為好多時都有放棄的念頭

MAGE: 你鍾唔鍾意食咖喱?如果鍾意~你會配D乜~?另~你鍾意/唔鍾意佢D乜~!!ANSWER ME!!
鍾意 配豬扒

森苗: 到底愛情係唔係真係咁重要?

做完….到我點….下列人士中獎~

好多人都比人點左... 咁就HERMAN同肥鳥啦 唔知睇唔睇到啦

雜記數則..

呢幾日無咩特別的事發生.... 到底是好是壞呢? 尋日放假原本約左阿鋒
溫書 不過佢要返工 算啦 自己溫啦 下午又係照舊的行程 因為來緊幾
日又開始涷 所以都係決定買番件西裝褸算.. 銅鑼灣無咩心水 過番尖沙
咀 行左陣都無咩心水 之後去左united color 有件都幾不錯 又唔太casual
最後都買左.. 之後陪佢過polo買裇衫 終於發展原來海港城0個間都有男裝
XDXD 同埋D款多過SOGO好多 我都有睇中一,兩件 不過下個月先買啦...
最後又係大家都買到想買的野~~ 之後行多陣街就散水

今日派左數學份卷 緊緊合格 不過發現自己成日解錯題 真係要改下....
之後今日VAF堂LAB過左去錄音室 好正呀XD 可以玩錄音 個PANEL好多
掣 大家都玩得好開心 遲下都要BOOK來幫個PROJECT做配音!! 之後攪左
陣D PROJECT野就陪阿英出旺角買野 不過最後都幫唔到手 SORRY...

星期五+星期六的日記..

星期五堂D&T的LAB終於由CY井開始教 呢堂玩電路板 但對我來講
真係好難... 同阿豆攪左一段時間 不過都唔係最慢0個組.... 攪掂左就
去踢左一陣毽 之後就搭車返灣仔 都係hea下hea下 夜晚浩健問我係
灣仔海傍點行去中環 見無野做就落去散下步 XD 同佢去左中環個
繽紛冬日節 都幾多人 而且又大左 睇下仲有無機會去.. 之後行左上
半山 見無野做就CALL MICHAEL 呾之後就佢樓下吹水 吹左成差
唔多三粒鐘 好開心呀 又識左好多野 同你地傾計真係開心好多 同
埋又可以幫我解決問題(?)XDXD 之後同浩健去老麥食少少野就返家..

星期六晨早返到學校諗住CUT片 點知原來要BOOKING 真係喵的
之後同東尼,HERMAN就不停踢毽 又熟左少少 可以控下啦 之後陪
HERMAN出去睇GAME 最後終於買左隻古惑狼賽車 星期一要試玩
夜晚入第一城同阿婆食飯 無咩特別 之後又出旺角搵左陣肥鳥就返
屋企 呢排星期六的例會都幾少人出 起碼大隊快D番來啦=__="

開心與唔開心 只係一瞬間的事

三個鐘的時間 由開心變成唔開心 不嬲都唔鍾意人呃我 如果真係
無心既 就唔好應承我啦 有時真係做咁多野為咩呢 下下都係有事
先搵你.... 總之心情極之惡劣 呻完!!

好涷好涷...

今朝起身時得11度 涷到想死 都突登著件厚少少的褸 不過都係唔夠
睇來要買多件.....XD 返到青衣仲死 D風係咁吹埋來.... 如果有條脛巾就
好... 之後今日上英文又係寫信 而且下星期就TEST 好彩今日都算應付
到.. 到左點半落堂就走人 出去搵阿鋒...

JOIN左佢之後食少少野就去UNIQLO 大家有收穫 佢買左件絨面的
西裝褸 我就買左件V領泠衫 但我仲有好多野未買 唉... 之後過銅鑼灣
諗住陪佢買裇衫 不過睇唔岩 之後就WINDOW SHOPPING一陣就折
返旺角 去左朗豪坊陪佢買SCHEDULE 之後就散水 下個星期一齊溫書
同去買裇衫!!!!

JAVASCRIPT.......

幾經努力終於攪掂份tutorial 之前讀pt雖然學過下java 但真係好煩 不過
上堂起碼有左個底先... 下堂又唔知玩咩... 之後休息一,兩日又要開始攪
vaf份project同個presentaion 再之後又要做html的final assignment
唉~~~~~ 幾時先可以真正休息下 睇來最快都要聖誕....

今日上完mk教的最後一堂D&T的LAB 下星期開始又要見CY井.... 有
少少掛住mk tim..... 今堂主要係噴油 因為上堂整左隻mouse.. 但噴左
好耐都唔太好 唉 好煩 攪到最後都係求其噴算 等d油乾的時候又走左
去踢"現" 都係無咩進步 要買番個屋企練下...

PROJECT+PRESENT+TEST

今日又測完數學 都係麻麻地 始終graph溫得唔多 5題出左4題....
不過都執到少少分 之後又走左去踢"現" 發覺返左學之後做多左運動
又打毛波,壁球,踢"現" 遲下仲可能打排球 XD 講番踢"現"先 都係近呢
兩星期先開始 今日開始可以用"失"頭控一控個"現"之後再踢 不過成功率
不高 不過尋日又拉親隻腳....

之後又講下份VAF PROJECT 今日問左阿TIM 佢話最好都係CUT好哂先
搵佢傾 不過佢都有睇過 不過覺得DATA不足 睇來都係要補拍D SHOT...
之後HTML又有PROJECT 今次要做四版介紹自己 點入手好呢..... 過多個
零星期英文又測WRITING... 唉 開始覺得D時間唔夠用啦 YR1都咁樣 到
YR2咪死得!?

VAF PROJECT首部曲完結..

經過星期六及星期日 終於拍好左我地project需要的片段 下一步大致
上都係主力做editing 不過硬係覺得大澳d料唔夠 可能會補下飛 不過
比阿tim睇完先再算啦XDXD

講番星期六的行程 10:30準時返到學校集合 齊人之後就過左去B210
借機 之後大家就一齊出發入大澳!! 入到去都成點幾 咁首先就週圍行
下先 第一站就係侯王古廟 影左兩個PAN SHOT就開始去搵人做訪問
不過問左三,四次都係失敗.. 不過經阿英的人事關係(?) 終於搵到一位親
戚幫手啦XDXD 好順利就做左一段訪問 之後就開始繼續拍片 沿途有
影下蝦膏廠同街市的情景 之後係碼頭影左一個黃昏的SHOT就一齊搭船
走.....

到左今日 拍攝的地點係灣仔 都算係我的地頭既XD 今日一齊人之後就
去影左幾個大家熟悉的地方 例如188商場,修頓球場同會展等等 之後又
係影左幾個街景 中途有好多人都幾好奇問我地拍緊咩~~ 之後今日就變
左我比人訪問 感覺怪怪的 之後大家一齊過尖咀影多兩個SHOT就走人~
之後大家就去星光大道行下 不過李小龍個銅像仲未開幕... 之後去吉野家
食左少少野就散水...

係度點都要多謝herman,tony同阿英咁幫手 大家都好努力去做今次的
project 做好哂editing之後我請食飯!!!!

好灰的一天

今朝同尋日一樣 又早左少少返學同阿東玩mario kart 大家都互有勝負
玩得幾開心.... 之後就準備上堂 原來就係今日惡夢的開始... 一上到去同
上一堂一樣 又係分組 今日寫request letter 諗住無咩特別 之後原來今
堂仲有講英文listenig同oral的成績 一睇listening... 爭三分... james都有
講我空左好多題... 只怪自己listening聽得不太好.. 之後的oral仲死....
爭6分.. 唉... 到底自己發咩神經呀 成日都係咁 而家得番reading可以
搶分ja james都講明你今次起碼要拎50分以上.... 到底對自己的承諾可
唔可以履行? 希望係呢一個月的時候可以成功啦!!

之後出左旺角join阿鋒買野 當然仲有搵佢呻下啦 真係灰! 之後係
旺角搵唔到岩心水的野 所以都係落尖咀睇 原本有個都不錯 但一睇
見價錢就知物非所值 最後都係死死氣諗住去番旺角買 但突然醒起無印
應該有我想要的野 但新港0個間又摺左 突然諗起之前話想去apm 於是
就一齊入左去 仲買到想要的野!! 太開心啦~ 終於有一件事令我開心番~
之後又順手行下 又搵到d岩心水的裇衫 希望下個月可以買來比自己慶祝
啦!!!

之後又出番旺角join panda 好耐無試過三條友一齊食飯啦 大家當然又係
講下d老話題 唔經唔覺又成21:00 之後大家都各自歸家 今日雖然有唔開心
的事 但都有開心的事 XD 有你兩個陪我真好 阿鋒下次溫書記得搵我呀!!

又有野想買啦....

今朝訓訓下覺突然電話響 原來係panda搵我 0個時先醒起今朝約左
panda去打機喎... 之後即刻起身換衫出門口.... 過到旺角 見佢係度睇人
打緊 原來係d人太多錢 連機都跟唔到 之後同佢行去油地睇下 但結果
同上 最後本身我都要落尖咀買花紙同紙袋 咁就一齊行過去...

一路行當然又係離不開吹水啦 行行下大家都覺得肚餓 咁我提議去新港
個food court 去到人影都無隻 好怪 都成12:00啦喎... 之後又揀左大阪王將
同之前去apm0個次 又係叫左炸雞set 今次都係食淨一件雞 下次都係唔好
叫set 不過d雞真係不錯~~ 之後就行左去海洋中心0個邊睇野 行左陣見到
d紙袋都唔太岩size 之後去左第二間買 點知返到屋企先知細得滯 唉!!!!

之後又搭車出返旺角 又係行下朗豪坊 見到G2000 d裇衫幾岩心水 下個
月必入 之後上無印想買番件線衫 點知無左!!! 唉 以後見到岩心水都係要
即刻入手 之後去左行esprit 都係無咩野岩心水 最後都係決定歸家 其實
仲有海洋堂隻tamama想買 不過都係下個月啦.. 希望仲有....

好耐無寫blog....

其實都唔係無野寫既... 不過呢排日日都幾忙 返到屋企都係hea下
無咩心機寫.. 之前終於考完html個test 初初睇完份野都唔係好知點
樣入手 所以都係盡量做 做完個table之後開始edit個form 但做極都
有幾格唔對位 之後個frame又間多左一格 唉...... 合格就一定無問題
只係應該唔會好高分........

呢兩日岩岩買左NDS隻MARIO KART 玩後感不錯!! 特別係對戰方面
之後未到最後關頭都未必分到勝負 今日同ZERO,使徒,阿藍,肥鳥,何英
玩得好開心 可惜大隊入左醫院 我地等你對戰呀!!! 下星期再同大家對決!

open day的總結...

兩日的OPEN DAY好快就過左 呢兩日過得好開心 睇住間房由初初人流
泠清慢慢變到人山人海的感覺真係.....XDXD 第一日主要參觀的人都係中學
生 仲見到以前間中學的學生來參觀~ 兩日我都係負責抽獎的COUNTER
所以都接觸到幾多人 間唔中就同阿東,herman佢地去下隔離間gameroom
睇下野同打機~~ 咁樣好快又一日~~

之後第二日一返到去又準備下d禮物同單張的野 咁好快又到10:00開門...
今日比較特別 比BSM的同學係樓梯口不停拉客上四樓XD 之後大家都係度
起哄 不過大家都係玩下 之後佢地走入來不停抽獎 抽左我地好多野走呀....
之後有幾個女仔都好好人幫我地手宣傳同幫人打下印仔~~ 過左14:00之後
就開始比較泠清 之後都開始HEA下 好快又到18:00 之後就走人啦~~ 希望
下年的OPEN DAY都可以咁開心

OPEN DAY前夕!!

今日一上完堂就去左搵露比準備整BOARD!! 之前都已經睇過下環境
一去到就見到b班的三個女仔剪緊野 但當我地想起要用d草稿時先醒起
放左係阿豆個locker 但阿豆已經走左=__=" 咁唯有再諗過啦... 初初都係
無咩頭緒 而且又上唔到網搵野 所以都係hea下... 到左16:00終於開始的起
心肝做野啦.....

今次有三個board要整 包括左flash,toy同media的野 初初都係主力幫手
做左個底先 阿東同阿鴻就畫字~ 阿晶就畫公仔~ 初初都係做得比較慢 但
一聽到話18:30會走人用房之後大家都開始加快速度去整 攪攪下就去到成
21:30 進度良好 聽朝再做埋d手尾!!!

之後同阿英,阿晶同阿東落左葵芳食飯 大家都有一個感覺 好累... 但今日過
得好開心!!!! 好耐無試過有咁既感覺啦!! 之後一路食一路吹水 最後就各自歸
家~~ 聽日OPEN DAY大家要努力呀!! XD

ORAL要PASS呀...

今日一返到去就見阿東同阿豆係度溫緊NOTES 咁就繼續溫....
溫左陣TONY就返到來 大家都開始夾下 之後就上左去準備一入到去
就拎左份野先 之後就開始 不過始終講得唔太好 硬係覺得講少左野
希望PASS啦.....

之後等齊人考完就去搵RUBY準備做OPEN DAY D野 開始傾下仲爭D咩
之後提議要買D卡紙 之後就比人老屈左出去買... 我出開旺角0者... 其他人
又話唔得閒 喵的 之後去左攪 重到死 聽日仲要拎番去 唉........ 好彩今日
買到褲 算啦... 下星期HTML的TEST唔可以有差池!!

oral 好多野記呀....

今朝一返學校就見到張memo話jacomb哥又病左 咁快又病過!! 之前
0個堂都未補返呀 之後去左canteen hea.... 食完早餐同玩左陣uno就
差唔多夠鐘上ruby 0個堂 不過今日原來無tutorial做 要我地幫手攪
open day的野 其一就係畫畫... 最後都交到少少野比佢 聽日放學先再
去幫佢手啦.......

聽日要考oral 總共有5個situation揀 而家溫習中 不過都係無咩
心機=__="聽日都係要早d返去同tony夾下.... 另外希望聽日買到
褲啦 XDXD

星期六~__~

尋日一朝早10:30就起左身 因為今日要去中環交收d野 不過都係遲左...
一起身就換衫出門口 落到去就準時交收同吹左陣水 之後就行左返去銀行
搵下d人~ 一返到去就搵阿旳 話題當然又係相機~~ 之前佢bid左部minox
的機仔 原來仲影左好幾筒菲林 好快呀 我影一筒就影成大半年 唉........
之後問佢Joyce有無返 原來返大假... 仲諗住見下佢 之後Fiona經過.....
原來有客搵阿旳 咁唯有下次再傾..

之後落番地下就同蚊姨,珠珠傾左一陣 講的野都係關於近況 之後當然
要同以前好拍檔吹下水啦XDXD 從佢口中得知某人的一件事 聽了都係
無咩特別感覺 證明我已經完全放低! 之後又係我講下0個班D人和事比
佢知 跟著又搵Fiona同Joanna傾左一陣 望下鐘 原來又就一點 之後就
走了....

搭車出番旺角再join大隊佢地 行情照舊 不過夜晚食飯就得我,大隊
肥鳥同zero 算係比較少人的一次 行左好耐都無野食岩心水 最後返
去食小菜 XD 大家食飯期間又講番d童年往事~ 幾開心~~ 之後又去返
聯合打機 玩bg時成日撞到zero 睇來都係操下先再玩對戰 之後玩多兩
鋪WCCF就散水

quiz.... 好多題唔識呀........

今日係DCTI的QUIZ 之前都有溫下 不過就唔太入腦 之後到考0個時
死啦... 好多唔識呀 已經心知不妙 唯有盡量做 不過都有好幾題唔識...
我只係想合格ja...... 係時候要加倍努力啦! 下星期的oral 唔可以再衰!!!

之後放學同阿豆去左打壁球 最衰阿晶同jerrey都唔來 唯有我地自己
打 打多左陣 開波好左 但都係成日打唔中個波......XD 之後阿東同阿鴻
亂入 咁同阿豆打下計分 點知唔小心打中阿豆個嘴 攪到腫左..... SORRY
呀.... 唯有請佢食野 下次我會小心D.... 今日睇來好多野都唔太順利.....

再續與王子的約會? XD + 星期五的羽毛球對決? XD

尋晚終於可以同王子去尖沙咀買衫 真好:o69: 見時間尚早都係行左去
uniqlo買野 去到無耐王子同我都搵到目標 不過王子試完衫之後覺得
唔太岩身 最後都係無 睇來真係要減肥啦 XDXD 之後又行左過SOGO
食野 今次試拉麵 份量算中等 味道算過得去 之後每人再買多兩個薯餅
今次除左牛肉另外再試蝦肉 不過始終都係牛肉才是皇道

之後又再慢慢行去旺角 同上次一樣 大家又開始講下D事非 好快就行
到去旺角 同王子上信和搵書 但最後又係空手而回 之後上無印睇衫
睇中件V領泠衫 $195ja... 不過天氣仲係有d熱都係遲下先買 之後去左
m記坐左陣就各自歸家~

今日因為阿東book左場 所以突登早兩個鐘返去打羽毛球~ 經過個多
星期的練習(?) 而家d手勢熟練左好多 起碼開波失誤的次數已經少左
好多 同阿晶和新識的阿鋒互相打左十幾分鐘之後就自己去貫水飲
返到來見阿豆都來左 就睇下佢地打 隔左一陣就同佢地玩雙打 初初
係我拍阿晶 阿豆拍阿東 打左兩盤 大家都互有領先 不過最後我地都
輸左XD 之後我去拍阿東 初初大家都無咩連携 但打左幾球就開始好
好多 不過成日比阿豆D陰招得手!! 最後我同阿東都羸番一盤 好開心~
星期一我地再決戰啦 阿豆!!

童夢....

尋日去左睇童夢奇緣 雖然係遲左少少... 原本尋日係我,王子,大隊同阿藍
去睇 不過我無講清楚睇幾點 攪到阿藍趕唔切 sorry..... 之後就我地都準
時入場 初段的劇情比較輕鬆 例如一開頭講少年版劉德華離家出走比飾
演爸爸的黃日華搵到 劉德華開出條件 要比$300佢先肯返屋企 係現場
飾演警察的杜汶澤同田芯妮又係度嘈交

去到中段 當劉德華開始長大時返去搵飾演老師的應采兒 有一個位係
應采兒想同劉德華kiss 但劉德華竟然掛住睇佢0個三個耳孔=___="
之後劉德華開始變到老年 原本相約好同她去睇戲 但最後無去 之
後係戲院門口企 當戲院關門時 佢問應采兒 你係唔係等人?你 會唔會
嬲佢唔來 她話 "唔會 我仲有時間等" 聽到呢句我又諗起某人....

到後段劉德華去搵爸爸相認 呢一刻劉德華終於知錯 睇到呢度都開始
漂下眼水 最後又同莫文蔚和好如初 整體上由中段開始已經有唔少
touching位 同王子都覺得相認呢一段比較感動 不過大隊話呢套唔夠
催淚 可能大隊太邪惡啦XDXD

雜記一則....

今日又係要上D&T的LAB 今個第一次畫立體圖 以為好難 原來又唔係喎
都係好簡單咁拉幾條直線鈄線就攪掂 但今日阿豆就畫極都畫唔掂 D線成
日拉錯XDXD 咁似上堂的我既........ 另外今日有堂VAF的LECTURE 講左
D電影的歷史 幾吸引 又同TONY講下近排睇左D咩戲 今日先知TONY
原來好鍾意睇戲~~ 之後阿SIR就播左戀愛的地圖的其中一個故事"台北編"
比我地睇 D對白好攪笑 一個台灣人同日本人係度不停雞同鴨講XD

到左5點幾落堂就準備走 JERREY今日參加左band soc的o' night 咁陪
佢HEA一陣 點知原來JJ都有去 之後我同阿東就聽到JERREY講唔係
咁想同JJ一齊去 係呢刻大家的想法都好一致 覺得JJ係好麻煩 講野無
聊又多廢話之前仲要坤人去做傳銷 初初以為只有我係咁諗 原來大半
班的諗法都係咁 哈....

悶..+.慶..(?)

呢排無咩野攪 悶到無野寫... 今日算係成個星期比較好的一日 放11:30
放左學見無咩野做又唔想咁早返屋企 咁就成班人落尖咀打機 落到玩左
陣BG4就同阿東兩丁友去左新港睇野 主力又係睇衫... 呢排出親街都係咁..
不過好彩無咩衫睇中想買.... 同埋發覺double-park的野都係唔適合我既....

之後攪到3點幾就散水 再同阿東出旺角睇NDS game 佢想買星之卡比
不過頜錢唔太0岩心水 我就睇中隻應援團 不過無水 都係捱多個零星期
先入手 之後王子打比我話唔舒服 今晚唔出 咁就搭車返灣仔..

到夜晚想問下浩傑book左壁球場未 但之後話上星期整親腳唔打 咁尋晚
就講唔去啦!! 等我又去約埋michael!!

初探西九龍海濱長廊 XD

今日約左使徒去西九龍海濱長廊諗住影下維港 但一出街望下個天......
好大煙霞 心知今日都係要失望而回.... 我早左去到 咁就一個人去探下路
先 原來係西隧的巴士站都要行一段6,7分鐘的馬路先去到入口... 入到去
第一個感覺係好空矌 XDXD 有唔少長椅 之後再慢慢行 睇海景一流 最
衰今日天氣唔太好.... 之後就行返去九龍站搵使徒~

JOIN埋使徒之後就去食少少野同買野飲 之後就再行去西九龍海濱長廊
行到入去大家都有影下相 不過今日主力想影哂部T3筒菲林 所以部G3
影左幾張就收手~~ 之後影多張合照睇使徒打左一陣雀就走~ 之後行左
去九龍公園 原來呢度都好多野影 有蘿莉(?),正太(?)同雀仔~ 算係今日
影左最多菲林的地方 不過仲有5張先影完一筒....

跟住行左去金星打BG4 多謝使徒講下我的缺點~~ 之後就散水...

逄星期五晚的聚會??

今日上繪圖堂又係畫d front view,end view之類的野 不過今次好陰人
成日有d位縮左入去 攪到成日計錯d長度....... 最後攪到好趕之做好...

今日原本約人食飯 不過佢話唔得閒 咁無辦法啦 之後照舊搵浩傑同
michael~~ 係sogo window shopping左一陣就去食野 後尾揀左kfc 貪
佢有得坐下 今晚順手問浩傑拎左本繪圖書睇 傾左好耐 覺得又識多
左d野啦XDXD 之後見時間尚早 就一齊行落去北角搵糖水食~~ 今次
的路程唔太長~~ 沿途傾下足球同大家互串XD 食完糖水之後又坐左
陣 今次主力講近排咩戲好睇~ 講講下又講番D舊片 好似逃學威龍
好想搵番出來睇tim 之後見23:30咁就散水 今晚又係過得幾開心~~

另
呢排個個都為情所困既?

雜項兩則...

今朝maths quiz 份卷初初睇落好易 但到做的時候就計錯哂....... 岩岩睇
番d notes 錯得好白痴呀.............

之後今日堂VAF又係要出去戶外拍野 今次拍十個指定的shot 幾好玩 要
完全跟足拍戲的步驟做 頭幾個shot都唔太難 去到拍第4個shot的時候
開始麻煩... 唔係好熟部機個快門同光圈 攪左成幾個字先拍好 中途仲有三
個女仔問我地拍緊咩 XDXD 最後都係仲有三個shot未拍 下堂再攪掂佢...

另
呢排開始日日帶NDS返學對戰 遲下仲有meeting攪~~

有感而發...

今日想打電話約某人食飯... 不過打左兩次都無人聽 有少少放棄的念頭.. 返到
屋企 見佢有online 咁順便問多次.. 之後都有覆番我電話 有時覺得只係咁少的
事已經 令到自己唔開心 如果遇到一 些不幸的事 咁我會點?可能本身自己的
心情起伏比較 大啦... 浩傑又講中左一樣野...當一個局外人睇一件事可以睇得
好清楚 但局內人就好多時有好多顧慮...

無意中搵到b小姐的xanga 咁睇左陣 先知佢原來咁細個.. 返工時都估唔到...
覺得最多都係同我同齡 睇左一陣發覺佢逄星期日都要返part-time平日返工
都算幾忙 但仲返埋part-time 睇多陣先明白原來佢算係家庭的經濟支柱 同初
初比我的感覺完全兩回事... 睇來我都係唔識睇人啦....... 係呢刻諗左陣 到底我
返左成年幾工 為屋企做過咩? 幾餐飯? 少少的家用比幾百蚊阿女麻? 好似都無
試過為屋企做過一d 有意義的事 有少少內疚...

星期六...睇電車男+散步? XD.......

今日的例會由9:00-21:00 咁早係因為今日去左睇電車男 以$30的價錢
算值回票價 比較鍾意套戲成日出現orz XDXD 其實選角方面同大家的觀點都
差不多 覺得男主角太靚仔啦~~ 女主角就就同阿藍諗法一樣 太成熟 XD 另外
比較突出的人物就係網吧三人組~ 由其是每一次戰爭的場面 XDXD 整體上故
事係不錯 只係現實中會發生的機會到底有幾多呢? 起碼我覺得最基本要兩人
都同一時間對大家有好感先有機會發生... 可能係我諗野唔會有太多的幻想空
間比自己啦

去到20:30左右已經無咩野做 同肥鳥係聯合坐左陣 WCCF又無岩的盃打 最後
都係提早散水 或者係今日太早出來啦... 等巴士時打比浩傑睇下佢係邊啦 見佢
係銅鑼灣又幾得閒 都係落去行下.... 第一站行下sogo先啦 又睇中件polo裇 但
五 行欠水.... 等減價先XD... 之後又開始散步 今日的行程由銅鑼灣出發 終點站
係西環 破哂之前的記錄.... 沿途的都係講0個D 其中一句說話係講得岩 當一
件事仲未發展呢個情況 你係唔需要預先估計件事情的發展 雖然平時都有咁
提醒自己 但都係無改變 今次希望我可以成功...

睇完某人的xanga 好似好灰咁............

再戰UNIQLO.....

今日返學無咩特別... 但今日終於知科data communication原來連linux都
要讀.... week8個quiz..................

因為今日約左王子去尖咀 所以五點幾就返左旺角休息一陣 之後就出發
差唔多19:00左右到尖咀 諗住搵下大隊出唔出 但打唔到 之後去左勝利
睇下有無野岩玩 最後睇王子玩幾鋪COM LV 8的秋上竟行去尖咀間SOGO
試下chicago的pizza~~ 沿途提起王子公司個麻煩友 之後又開始講下D返工
會遇到的人和事XDXD 去到就好快搵到位 等王子出去睇下有咩岩食 最後
決定左食日式醬燒雞PIZZA 我最後都揀左呢款 不過加生菜~ 之後再買多
兩個牛肉薯餅 講下PIZZA先 隻日式醬不錯 少少甜 同和民的和風PIZZA
一樣 算係我的至愛 另外薯餅炸得幾香口 D牛肉粒都不錯 最後埋單每人
$40左右~~ 之後又傾左陣廣東歌的野 講起大家近期聽開的葡萄成熟時!!
大家都係因為歌詞而鍾意首歌 不過大家鍾意的歌詞部份唔同...

之後行左陣SOGO睇鞋 不過無王子心水 所以行返去UNIQLO.... 一上到去
無咩人排隊喎.. 之後慢慢行去門口 等左陣 排隊的人開始以倍數增加 好
恐怖.... 入到去行左陣 同其他人所講一樣 比較靚的TEE都比人掃哂.. D裇
衫價錢唔太岩心水 原本睇中件POLO裇 不過太多人排隊比錢都係放棄...
之後同王子行路返旺角 沿途又開始講下事非XDXD 另外都講左D關於衣著,
工作上的問題同大家當初係點識XDXD 到左旺角就行去波鞋街陪王子睇鞋..
行左陣都睇中左一,兩對 最後睇中左一對NB的波鞋 D顏色都唔錯 最後王子
試左陣就科水~~ 之後再去左間DVD鋪 終於買左話買好耐的"AV" 聽晚先慢慢
睇....

數學苦手...

今日數學堂做tutorial... 雖然睇落好似好易 但到做的時候就亂哂龍... XD
死啦 下星期有quiz 係時候要加把勁... 岩岩都有拎番份tutorial出來計下 希望
呢排操得掂...

星期二...

因為調左堂的關係 今日只係返10:30-12:30 但今日搭巴士又遇到不幸的事
9:40上車 諗住好穩陣 點知長沙灣道塞車 龍頭都見唔到 喵的.. 最後都係
落車轉地鐵 最後都成10:55先返到去 好彩有人幫手點名...........

之後又返銀行搵人食飯 今次約左Joyce~ 好準時13:30去到中環 但佢打比我
話有客開戶口要遲d 我無所謂啦XD 咁去左搵下有咩食先.. 之後都係去左食餃
子.. 都係遲左一陣就出到來 好彩~ 又開始講下D無聊野 之後大家又呻下~~
咁又半個鐘... 始終咁多人之中最好傾的都係Joyce XD 之後又返銀行同某幾
個人傾計 今日都撞到好多人 例如周生,Bolia同Bibi....

搭車返旺角時阿鋒打比我話出來hea下 見有時間就出下來 今日的行程主要
又係尖沙咀XDXD 想行下間UNIQLO 不過勁多人 都係放棄 之後去左新開間
SOGO 行完的感覺同銅鑼灣0個間完全係兩碼子的事.... 之後係海傍傾左一陣
又歸家...

充實的星期五??

今日返學的時間又係14:30 極之討厭... 我寧願返8:30算數 今日又係上d&t
主要今日係練繪圖 教左一些基本功 講的野一如以往 廢..... 但到真係落手畫
時佢又真係畫得幾快同幾好喎 可能呢樣係佢唯一的優點啦....

之後夜晚去左一個比較陌生的親戚的婚禮 不過對我來講都只係一些應酬的
工作0者 仲要對住兩個不太熟絡的表哥,表姐 無野講就係無野講 近況都費事問
食物方面都係普普通通.... 之後同一對新人影埋合照就提早走人落中環......

落到中環又係搵浩傑同michael 但見創聲無位打機 咪去左茶餐廳吹陣水 都係
照舊大家互串一番 XDXD 之後再返創聲 都係咁多人 我同浩傑都係決定走....
之後我地一路由中環行落銅鑼灣之後再行番灣仔 路途上大家都係無所不談 最
後去左M記落腳繼續吹 大家近期又開始為愛情而煩惱~XD 之後又傾下大家對
前途的諗法... 佢講左好多我無諗過的問題 睇來我睇每一件事都係未夠全面....
以後可以傾心事的人選又多一位啦~~~

生日~

咁又到左生日的日子.. 又老一歲啦.. 今日上完堂就去左搵J小姐食飯 不過
我又諗唔到食咩.. 最後去飲茶算 今日我生日所以佢請XD 其實主要都係想
見下面傾計0者 傾傾下原來大家都發覺陳小姐係好難溝通 XD 傾傾下又
夠鐘 下次約食飯先再講~ 我會諗定食咩先再約ga la..

之後原本想去會展睇展覽 不過好累 都係返屋企訓下算.... 之後又返屋企食飯
今日阿爸放假 尋晚都問定我想食咩 算係咁啦:o69: 不過都係志在一家人食飯
呢餐算食得幾開心啦~ 之後同PANDA出左去行下街同玩WE 之後咁就返左屋企

都要多謝番D人既 Joanna,Panda,Pato阿鋒同Ricky~
邊d係真心朋友邊d唔係 我識分既..

小事兩則...

星期二16:30堂D&T 掉左去星期一 太好了 星期二而家放12:30~~
不過星期一D堂就密左 變左好充實.....

今日VIDEO & AUDIO呢科上LAB 今堂主要講PROJECT要做D咩..
之後去左借機 好正呀XD 3CCD的DV機係唔同D :o69: 而家開始要
諗topics啦.........

聽日返8:30 要成6:30起身....... 唉~~

橫風橫雨的星期一...

今朝起身時都無咩雨 但一出門口就開始倒水.... 喵的... 見勢色唔對都係
走去搭地鐵算 之後都叫做準時返到去 一返到ive就去左體育館報壁球班
遲下可以約埋浩傑一齊玩 XDXD

之後又去上堂 第一日堂就上jacomb的maths又係一貫的又中又英講法來教書
不過其實都幾正 起碼唔悶先 不過今日自己一條友聽書 怪怪的.... 之後再上
Ruby姐的DcomTI 呢排係tutor來.. 當然就係做tutorial啦 XD 不過其實都係
主力吹水~~ 不經不覺又夠鐘落堂.....

岩岩睇完最新一集KERORO 又有我最愛的tamama~~ 今集講karara返來搵佢
結婚當然tamama唔會應承啦XD 之後又開始諗辦法想整走karara 最後
karara的 老爸想帶karara走 點知呢一刻tamama竟然動心而出手.... 但最後
比kururu成功阻止老爸的攻擊 仲令到karara鍾意左kururu 真係世事難料.......

開始發覺自己係鍾意夜晚十點至十一點先寫blog.... 聽日又係討厭的天地堂...

很累的星期五...

今日又係返一堂... 返11:30 呢科係關於video & audio 個lecturer好後生 XD
應該都係26,7歲左右 咁好基本咁介紹完自然同呢科之後就有幾段MOVIE
比我地睇 之後又講下用左咩野的分鏡技巧 暫時呢科係最有心機上XD

之後落堂就去左旺角JOIN埋朋友食飯 之後又係例牌行商場... 行下行下
又行左去朗豪坊之後又諗唔到有咩做 但又唔想散住... 之後我又提議落尖沙咀..
最後行下美麗華,PARKLANE同海港城之後又返旺角... 行完之後好累....
好耐未試過... 可能因為只係window shopping的關係 暫時有衫,褲同錶想買...
不過下個月只可能三選一 唉~~ 我需要一份part-time呀!!

呢排又開始比某些事煩住..... 點解經歷過好幾次都仲係唔識面對呢.....

SWING GIRLS~~

今日上完堂有d累 返到屋企就訓下覺... 點知一醒時睇鐘... 18:20!!??
死啦 約左大隊佢地18:15 apm等 今次遲大到啦..... 之後即刻換衫飛出去...
最後都成差唔多19:00先到... 講聲sorry先:404:

之後就上左去food court食野~ 坐左一陣臭一都來到~ 之後又傾左陣ive d野
跟住就買野食 諗左唔係好耐就揀左大阪王將的餃子+炸雞set 連野飲$50
d餃子皮幾金脆 唔太"龍" XD D飯都比較腍 我自己覺得不錯 之後又去買
野飲 準備入場~~

一開場就影住運動場班同學做啦啦隊 之後就影住老師 XD 樣子不錯:o69:
之後睇落都幾吸引 香織不錯的說~~ 套戲都唔少笑位 主要集中在個肥妹
身上 最正係食住一盒起碼1磅的haagan dazs雪糕 之後一起身爆"馱" XDXD
有個踏單車見到 即刻沖左落山坡XD 本身套戲的配樂幾好 D Jazz聽落都唔覺
好悶 幾正 真係搵d來聽下 總括來講成套戲無泠場 $50絕對超值!! 一定要介紹
比人睇下~~

星期天....

今日訓到11:00先起身 幾精神 不過發左個好奇怪的夢... 但不在此詳述...
尋日又係我地例會的日子 又係照舊打機XDXD 今次最後一站又係標準
我同使徒又無咩野做 最後又去左睇鏡~ 去左幾間鐳射 又問下SIGMA支
70-300咩價 最後都係叫個SALES比左一枝來試下 XD 試左一陣.. 感覺
不錯喎!! 最後使徒都係決定出手:cwm26:b 最衰落雨如果唔係又去試鏡~
之後又散水lu....

又講番今日... 一起身又係上網 睇來變左好公式的事 之後悶悶地 又開始
執房... 睇來呢個算係我其中一個怪癖 XD 執執下就執下D WCCF卡 發覺
係時候要搵本咭簿來organize好佢 因為之前02-03 ver 我都有咁做 不過
因而有買公式咭簿 所以方便好多 但01-02無公式咭簿賣.... 所以要自己
DIY... 但最後發現一本咭簿係唔夠既 聽日先去買多本....

睇來今個星期天又係納悶地度過........

Day off的第二天...

今日約左F小姐食lunch.... 咁準時11:30搵佢 不過平時佢食13:30 到底佢食唔
食得 落野呢... 之後同佢去左麥奀記食雲吞麵 不過份量好似細左d 而家諗番
又覺得佢可能唔夠飽 食完麵仲有半個鐘淨 佢提議去星巴克飲野 之後就一齊行
順手帶佢認 下中環d路 去到之後我叫左杯latte coffee 奶味真係幾重 不過幾滑~
跟住同佢一齊 返銀行 返到去自然搵下熟既人啦 見J小姐放完病假 當然要問候
下佢 之後又講下呢個星期返學的特別事 傾下傾下又到左佢的食飯時間 咁都
差唔多時間走人啦 XD

到夜晚又約左之前讀PART-TIME D同學食飯 有幾個自從6月就無再見過
大家都 無咩大改變XDXD 食完飯就同其中兩個人去中環打機 好耐無試過
打$100 WCCF 雖然出卡就無咩特別 不過隊波都開始聽話 今日駛左好多$$$
不過算過得幾開心啦 XD

Day off的日子...

今朝成3:00先訓.. 訓到11:00先起身 打左陣機之後就睇番d尋日的notes同
之前d/l左未睇的日劇... 攪到13:30左右就落街食野同買雜誌睇 番到來之後
又打機.... 好耐未試過咁悶啦.... 有時放假都未必係好事.....

比王子感染左 愛上藍鞋子了......

TY的第一天..

今日第一日返學 可以比平時返工遲左少少起身 一起身就上網 無耐公司就
打電話比我 問我有無返工 之後我呆一呆 公司寄左信CONFIRM我10號係
LAST DAY喎之後解釋完就收線 跟著就出門口 原來灣仔去TY IVE都要成個鐘
好彩預多左時間0者 一返到就去DEPT拎野先 咁就撞到我第一個識的同學XDXD
咁之後就一齊行...

今日得一堂 返10:30-12:00 無驚無險又落堂~ 之後就走人 因為要返公司交證件...
今日好似過得好平淡... 但聽日有4倨幾鐘天地堂 唉...........

星期六..

尋晚太夜返 無時間寫 今日補番XD 最後半天好清淨 一個客都無... 咁照舊
呆企同遊蕩下啦 望出街就照舊都係0個堆人... 不過呢幾日花旗財務做roadshow
有個女仔都不錯 不過都係見埋呢半日~ 好快又到13:00 銀行關門大吉的時間
得2個客未走 要等埋佢地先走得.... 佢地走左之後就係我執包袱的時候 之後同
佢地每一個講BYE BYE 我得閒會返去搵大家 終於要完... 企左咁耐....

跟著就照舊係我地星期六例會的行程 去到聯合 大隊同司令佢地照舊玩SEED
我就無咩野想玩 WCCF多人而且自己之前又玩得灰 所以都係無落場 食完晚飯
就過左去標準 HEA下 不過都係睇佢地玩 之後同使徒呻 如果今日有帶部D70S
就好啦... 點知佢真係有帶喎XD 咁就捉左佢出去影下野 係條街度遊左陣 之後同佢
去左條天橋玩下D特效 玩左一陣又返去匯合佢地 無耐就散水~ 睇來下星期六我都
要帶野出來玩 :cwm26:b

倒數

仲有半日就要走啦.. 因為銀行星期六有長,短週 所以今日已經有D人講定BYE
BYE A先生又話今日LUNCH要見客 所以同唔到我食飯 又放飛機啦!!
不過話收工請食野就算啦..... 咁今日就照舊自己出去食~ 不過又唔想去大家樂
最後買本雜誌之後去 大快活食就算

今日有個阿姐就請我飲左杯橙汁 另一個就請我食餅 好彩之前唔係
食得好飽...... 今日我係銀行的另一個阿媽就送左張卡比我 都係寫左D祝福
的說話 之後又傾左陣 到左收工就出去幫手買野飲啦 之後大家一齊食野
又講番之前其中 一個麻煩客 唔知下一手頂我0個個人會唔會又比佢
吠 XDXD

咁又一日 過埋聽日又變番做學生... 我的年半多少少的食蕉生涯就完結~

又為左D小事唔開心 希望聽日無事....
成日都自尋煩惱..

今日一開工就比某經理問今日有無人約食飯 想同我farewell+慶祝生日..
以下簡稱洪姐啦 佢好好人 肯就我食11:00 佢平時食13:30 ga....
之後今日去左飲茶 知道佢唔食牛肉 當然無叫有牛肉的點心啦~
叫左6碟點心左右 之後都係一路食一路傾計 不過好多時都係我問佢野
問左好多關於銀行同佢的事 睇來都證明到我係好八卦的人 XDXD
最後食左個半鐘就走lu 之後當然有多謝佢啦~ 返銀行0個陣都問下
我讀書的事啦 叫我比d心機讀啦

之後其他人都話洪姐當正你係仔啦 睇來係銀行我已經有兩個阿媽....
跟住去左串A先生

森苗 :連洪姐都請我食飯啦 幾時到你呀?
A先生:要請你食飯有幾難 不過要就我食14:30
森苗 :咁星期五啦!

睇下佢有無吹水.......

今日又派多個電話出去... 要交換電話的人大部份都交換哂~
雖然仲有一個人 不過都係算吧 應某人的要求 今日帶左
一集KERORO軍曹的動畫比佢睇 睇完之後覺得不錯的說
之後借左PSP隻太鼓之達人比佢玩 攪到佢都想買:cwm26:
攪攪下今日又遲左收工................

之後返旺角比隻figure叫大隊幫手比使徒 之後順手捉埋
大隊陪我買耳筒 隻EC7想買好耐不過拖到而家先買
當係慶祝可以讀H.DIP (藉口來0者 XDXD)

10號就係我係銀行的last day 係銀行返左成年幾工 總算叫做過得幾開心
D人對我都幾好 不過有機會讀H.DIP 無理由放棄... 但始終唔捨得D 姐姐 XDXD
所以呢排都係成日派電話同拎人ICQ....

第一次寫 不過諗唔到寫咩...
聽日又要返工....