又有野想買啦....

今朝訓訓下覺突然電話響 原來係panda搵我 0個時先醒起今朝約左
panda去打機喎... 之後即刻起身換衫出門口.... 過到旺角 見佢係度睇人
打緊 原來係d人太多錢 連機都跟唔到 之後同佢行去油地睇下 但結果
同上 最後本身我都要落尖咀買花紙同紙袋 咁就一齊行過去...

一路行當然又係離不開吹水啦 行行下大家都覺得肚餓 咁我提議去新港
個food court 去到人影都無隻 好怪 都成12:00啦喎... 之後又揀左大阪王將
同之前去apm0個次 又係叫左炸雞set 今次都係食淨一件雞 下次都係唔好
叫set 不過d雞真係不錯~~ 之後就行左去海洋中心0個邊睇野 行左陣見到
d紙袋都唔太岩size 之後去左第二間買 點知返到屋企先知細得滯 唉!!!!

之後又搭車出返旺角 又係行下朗豪坊 見到G2000 d裇衫幾岩心水 下個
月必入 之後上無印想買番件線衫 點知無左!!! 唉 以後見到岩心水都係要
即刻入手 之後去左行esprit 都係無咩野岩心水 最後都係決定歸家 其實
仲有海洋堂隻tamama想買 不過都係下個月啦.. 希望仲有....