無題

星期六又係例會 不過join佢地之前去左同阿Nic打左陣wccf 都好耐無
一定打過 另外隊阿仙奴終於玩完 原來由上年9月打到而家... 今次開左
隊荷蘭 暫時都打得不錯 打左4鋪就走啦....

今日下午的行程照舊 到左夜晚商量去邊度咬飯都傾左好耐 終於最後
決定去尖咀sogo foodcourt 同王子去過兩次之後無去啦.. 今次去又係食
pizza+牛肉薯餅 d薯餅真係好正 今次又食左兩個~~ 之後就開始吹水
今次的話題集中係漫畫+語文(?) 今次又識左唔少野 XD 同埋研究左隔離
枱的一對情侶 XDXD 之後又走番去打機 去左陣金星 無咩岩玩 打左兩鋪
WCCF就過場 最後又返番去聯合

係聯合玩HOD4 同使徒的誤會 最後仲害死佢 sorry Orz 之後大隊打完話
金雞0個部易打好多 下次真係要打番鋪 之後三條友就走左去食糖水 今次
發現貓貓食糖水真係好有研究:cwm26:" 食完又開始吹 今次講番中學的事
+電影 原來大隊試過上上下堂隔離學校飛個斧頭過來 真係無言.... 吹到兩
點左右就散水....

越來越發覺我係好鍾意同fd吹水 又係時候搵下michael同浩健 XD