Times wait for no one

星期日去左睇穿越時空的少女， 雖然睇之前出左d意外 XD 不過都無咩
大問題○ 講番套戲 畫風都不錯 人設都幾順眼~ 故事的TIME LINE都
很適中 ，唔會令人感覺到特意拖長○ 某D SCENE都幾令人有共嗚 例如
中段 千昭向真琴表白 她不停利用時空穿越去嘗試改變事情的結果 但
始終都係改變唔到 ○

另外主題曲同插曲都很不錯 完全令人想一聽再聽 整體上都很值回票價
DVD版都應該要入番隻!!

另

八月又差不多完結 最後一年的暑假(?)過得都幾充實 雖然幾個月都被感情
的事煩惱住 不過到九月都係時候要放低 FINAL YEAR的日子 希望可以
有一個滿意的成績

8月10日 打風

今朝起身 只係知出面keep住落雨 如常地出門口 再次返到軒尼詩店
上班..... 雖然都只係無返一個星期 不過再返番門市的感覺很不錯
見番阿玲,紅姐 就算0個日本身心情幾唔好 都會比佢地的說話令
我輕鬆番 XD

收錢時有個客講起就掛8號風球 先知原來已經掛緊3號風球
如常食飯 去到14:30終於掛8號 咁就返去鋪頭準備收鋪... 攪到
15:30左右走人 返到屋企都係hea下 無咩想做 始終心情都係灰灰的

其實每一次去到d感情問題 都發覺自己好猶豫不決 心裡面仍然未
完全放低carol 唔想咁快再開始第二段感情 但呢排開始發覺對另一
個人有好感 但始終唔夠勇氣再去出手 太驚因為咁而無左個朋友

好多時我都會因為咁而錯失好多機會...

人與人的關係 真係可以好假

自從05年開始係ive返學 所認識的同學或朋友數量比之前
中學或工作時更多 但可以真心做朋友的真係5隻手指數得哂

人 變得太快 變得好假 當你有利用價值時 就借機佔便宜
無利用價值時侯 就完全斷絕來往 雖然明白真心朋友唔需要
特別多 但都唔希望有太多呢類所謂的朋友

既然真係連講幾句野都覺得煩既 就無謂再做朋友

7月 仍然不開心

呢排每日聽吳浩康的 醒覺 完全中哂我而家的心情

"原來童話早已很無望" 同 "曾經好好去計劃 統統也給糟塌"


點解大家的關係咁容易因為一個人而被影響....
大家識左接近兩年 但都唔及一個識左兩星期的朋友值得信任
好hurt 到底有無當過我係你的朋友 芝 ?

最難忘的六月

心情趺到谷底 咁多年來最灰的一星期
所有事情都集中係呢兩星期內發生
當每一次發覺心情好轉的時候 就會再遇上挫折
我怕自己已經唔可以再企番起身...

何時才可以學會放手....

知道事情的發展唔太如意... 但總是不捨得放手.....

何解需要自尋煩惱...

看來我咁耐以來鍾意過的人得兩個......

灰

感覺上事情的發展都算順利... 但最後結果會點....

心情低落

事情幾時先會明朗化? 經過咁多次的失敗
我唔想再一次跌倒 唔想再一次做失敗者

今天..

我再嚐到酸的感覺 這種感覺還有多少次?

Test!

荒廢多時的blog....

已經接近兩個月 要寫的野都唔係無 只係成日都提唔起勁去寫
過多個零月就農曆新年 ... 時間真係快 到底今年的願望同目標
可唔可以實現? 不過呢排首要的目標都係做起d功課先....