森苗的BLOG/Photo Album(?)

Bedtime Stories

2008-12-30T00:00:00.002+08:00

星期日睇完都算係一套幾適合同家人、朋友一齊睇的戲。
故事情節都無咩驚喜位但睇完之後都感覺小朋友的童真XD，
雖然其中一句對白又說中了現實的情況 "現實中沒有大團圓結局"。

之後又係一貫的食飯同行街，當中的情節又係那些曖昧的動作....
但經歷過呢幾次，0個種感覺已經越來越少.... 之後的發展都係
隨遇而安吧。有時唔知真相可能會比較好。

我錯了.....

2008-11-26T01:24:00.000+08:00

我其實唔應該發你脾氣......

sorry

生日?

2008-09-29T23:15:00.001+08:00

首先當然要多謝有講生日快樂的朋友
但生日永遠都會有事令我不爽諷刺...

一切都完蛋了

2008-06-22T12:10:00.002+08:00

IVE的Last day "MIT Exhibition days"

仍然係一張唔齊人的班相XD

遲下gathering再見

死不悔改的人

2008-05-05T01:00:00.003+08:00

當初自己口口聲聲應承所有人會預期完成網頁點知承諾未能兌現
仲要問侯人娘親之後仲屈機夠膽講無定過日期交野你都幾屈機
我都係第一次見人咁仆街睇下最後交到d咩出來廢柴

對呢d人除左話佢死不悔改而家直頭無藥可救

這就是人生

2008-04-21T02:21:00.002+08:00

星期四返回家某人的MSN寫著伍晃榮初時覺得奇怪
之後再看真原來伍晃榮走了心𥚃真的沉下來看他的
體育新聞報道最少已有十多年可以說是同譚玉瑛一樣
陪我長大........XD 雖然早兩,三年已經榮休但很多時也
可以在一些無線的節目看到他感覺仍然在我們身邊但
一知道這消息真的很突然再一次體會到人生就是這樣
很多事情也不會有預兆這幾天看其他人的post和blog
大家也很不捨得例如他的徒弟伍家謙的blog 寫出在他
身上所學到的東西和大家的關係涙真的流下

剛剛看回新聞話事人的重播其中一句說話真的說中了對
今次的感覺 “不開心的新聞總比開心的新聞多“ 大家也會
很懷念你的新聞報道

一路好走

你根本唔明

2008-02-12T02:56:00.000+08:00

係到呢一刻我都唔明點解會去到咁的局面

08 第一 POST(?)

2008-01-25T02:39:00.000+08:00

咁多個月無打其實主要都係無咩特別事發生學生的生活無咩
大的改變主要都係多左個FINAL YEAR PROJECT要做進展
就不過不失不過感覺上應該要再上心一點好多都唔算做得好
SEM B真係不容有失

最後都係報左NON-JUPAS 睇下好唔好彩啦 XDXD
---------------------------------------------------------------

仲有五個月就一年但D事都仲係同岩岩發生無分別....
還是放不低(?)

Times wait for no one

2007-08-29T14:52:00.000+08:00

星期日去左睇穿越時空的少女，雖然睇之前出左d意外 XD 不過都無咩
大問題○ 講番套戲畫風都不錯人設都幾順眼~ 故事的TIME LINE都
很適中，唔會令人感覺到特意拖長○ 某D SCENE都幾令人有共嗚例如
中段千昭向真琴表白她不停利用時空穿越去嘗試改變事情的結果但
始終都係改變唔到 ○

另外主題曲同插曲都很不錯完全令人想一聽再聽整體上都很值回票價
DVD版都應該要入番隻!!

另

八月又差不多完結最後一年的暑假(?)過得都幾充實雖然幾個月都被感情
的事煩惱住不過到九月都係時候要放低 FINAL YEAR的日子希望可以
有一個滿意的成績

8月10日打風

2007-08-10T21:12:00.000+08:00

今朝起身只係知出面keep住落雨如常地出門口再次返到軒尼詩店
上班..... 雖然都只係無返一個星期不過再返番門市的感覺很不錯
見番阿玲,紅姐就算0個日本身心情幾唔好都會比佢地的說話令
我輕鬆番 XD

收錢時有個客講起就掛8號風球先知原來已經掛緊3號風球
如常食飯去到14:30終於掛8號咁就返去鋪頭準備收鋪... 攪到
15:30左右走人返到屋企都係hea下無咩想做始終心情都係灰灰的

其實每一次去到d感情問題都發覺自己好猶豫不決心裡面仍然未
完全放低carol 唔想咁快再開始第二段感情但呢排開始發覺對另一
個人有好感但始終唔夠勇氣再去出手太驚因為咁而無左個朋友

好多時我都會因為咁而錯失好多機會...

人與人的關係真係可以好假

2007-08-04T00:16:00.000+08:00

自從05年開始係ive返學所認識的同學或朋友數量比之前
中學或工作時更多但可以真心做朋友的真係5隻手指數得哂

人變得太快變得好假當你有利用價值時就借機佔便宜
無利用價值時侯就完全斷絕來往雖然明白真心朋友唔需要
特別多但都唔希望有太多呢類所謂的朋友

既然真係連講幾句野都覺得煩既就無謂再做朋友

7月仍然不開心

2007-07-23T22:46:00.000+08:00

呢排每日聽吳浩康的醒覺完全中哂我而家的心情

"原來童話早已很無望" 同 "曾經好好去計劃統統也給糟塌"

點解大家的關係咁容易因為一個人而被影響....
大家識左接近兩年但都唔及一個識左兩星期的朋友值得信任
好hurt 到底有無當過我係你的朋友芝 ?

最難忘的六月

2007-06-07T00:23:00.000+08:00

心情趺到谷底咁多年來最灰的一星期
所有事情都集中係呢兩星期內發生
當每一次發覺心情好轉的時候就會再遇上挫折
我怕自己已經唔可以再企番起身...

何時才可以學會放手....

2007-06-04T22:11:00.000+08:00

知道事情的發展唔太如意... 但總是不捨得放手.....

何解需要自尋煩惱...

看來我咁耐以來鍾意過的人得兩個......

灰

2007-04-10T01:42:00.000+08:00

感覺上事情的發展都算順利... 但最後結果會點....

心情低落

2007-04-04T01:35:00.000+08:00

事情幾時先會明朗化? 經過咁多次的失敗
我唔想再一次跌倒唔想再一次做失敗者

今天..

2007-03-29T02:47:00.000+08:00

我再嚐到酸的感覺這種感覺還有多少次?

Test!

2007-03-23T01:35:00.000+08:00

荒廢多時的blog....

2007-02-08T00:07:00.000+08:00

已經接近兩個月要寫的野都唔係無只係成日都提唔起勁去寫
過多個零月就農曆新年 ... 時間真係快到底今年的願望同目標
可唔可以實現? 不過呢排首要的目標都係做起d功課先....

關於一些xanga的用家....

2006-12-09T01:40:00.000+08:00

當初唔選擇用xanga 主要係d function麻麻同埋比較鍾意blogger可以自己
改html code 不過身邊的人大部份都係用xanga 呢個都唔係問題但係某部
份又鍾意set左要係xanga member先可以睇有d仲得意鍾意下下check住
其他人咩時候入過來見你a/c無寫過野就block 其實用到咁收收埋埋點解
唔一早set做private? 咁就一了百了鍾意比邊個睇就invite . 而家又懶係同
人share平時做過d咩.. d人仲要講到自己好自豪佢地的思想真係難以理解

一班自以為事的賤人

2006-11-28T01:28:00.000+08:00

咁耐無寫野都係因為要忙project同返工不過呢排對住兩個賤人真係
不吐不快成日淨係識推卸責任下下你都話比我累你無野呀自己
技不如人就關我事平時幫你唔見你出聲真係仆街到無朋友本身
心情都唔太好對住佢真係仲興

2006-10-28T02:06:00.000+08:00

身邊的人很多都係自私自利完全唔理其他人的感受只顧自己的利益
有一些就很喜歡為自己所做的事搵藉口同埋極之虛偽識到呢班朋友真
係哭笑不得對著那些人完全無興趣同佢地接觸睇到佢地講的說話同
寫的字心裡只會感覺到一個假字.....

慶幸還算有數位可以稱得上是朋友的人.....

囍宴

2006-10-21T00:17:00.000+08:00

去左一個唔熟的親戚的囍宴感覺真係麻麻好多事的安排都唔完善
有咩理由連我地應該坐邊一圍都唔知食物的質素又麻麻上菜時間
又慢始終覺得擺酒都係酒店服務質素真係爭好遠....

另

收銀真係一個要好小心的職位.......

中秋節的補假

2006-10-08T15:26:00.000+08:00

我都係仍然要開工拍野... 今次到去九龍城碼頭拍一場戲由9:30
拍到12:30 之後上人屋企再拍拍到19:00都係走先今次比之前
兩次更加少野做下星期主力都係拍室內睇來可以休息番一日
餘下的兩日shoot days 都係要諗諗...

929

2006-09-29T23:28:00.000+08:00

又係生日的日子不過都係同平日一樣咁過啦不過今日D堂都係幾悶..
放學之後又同阿豆搭久違了的42號巴士.... 真係對上一次搭又係幾個月
前的事... 夜晚都係一家人食餐飯算當然都要多謝有同我講生日怏樂的
人啦 XD 呢排想買的野不停咁增加不過十月我一定會買左裇衫先!!

最後都係希望快D搵到part-time. UNIQLO快D call我啦

鬆一口氣

2006-09-22T23:52:00.000+08:00

今日聽到一個消息同之前自己預計的一樣總算可以放低呢件事
心情好左係時候準備計劃下d project!

今日阿晶突然的提議我地的唱K團又再一次成行對上一次已經係
六月的事.... 睇來除左返學的日子之外都無咩機會去唱K..

亂攝兩張

2006-09-17T17:09:00.000+08:00

這星期都是很頹 3日day-off完全不感到開心工作上遇上阻滯灰

另

點測光真係好有用同好玩呢排影的相感覺總是怪怪的又唔算係snap-shot....

2006-09-14T22:56:00.000+08:00

第一次見面的印象真係咁重要? 有時好多野都係可以裝出來....
第一次見面時大家話題較少有問題嗎? 難道你可以第一次對話
就可以好滔滔不絕和其他人閒談?

只係覺得呢d批評無咩意義...

無聊一攝

2006-09-07T22:42:00.000+08:00

同使徒係food court傾計時影...
如果個一字都可以入鏡會好D..

手信一份

2006-09-06T23:24:00.000+08:00

其實都收左呢份手信成個星期
但今日先有時間影
真係唔好意思啦 S小姐
Orz 不過又真係幾靚既

怨念太多

2006-09-05T01:41:00.000+08:00

每一次都要係我面前做D我唔想見的事之前又話同佢無咩兩句呢D人
真係好假成日講到自己對任何人一事同仁其實都係一個偽君子到底
幾時先可以清除呢d賤人....

另

自己本身都係一個被動的人... 有時我都想同佢拉近大家關係奈何大家
都係無言以對見到你地真係好嫉妒同某些人只要三言兩語大家就可
以好熟絡但今次我做唔到唯有隨緣吧

呢一排的怨念真係好重.....

事與願違

2006-08-31T00:10:00.000+08:00

工作又預到阻滯... 片始終仲未cut到.... 最不爽始終係又再比佢呃多次
又呃我會準時返來點知又遲左兩個鐘點解每一次都要比個希望我? 每
一次我都希望會係真但最後都係咁... 始終覺得好多方面我地都係好極端
唉........... 因為妳我先會咁在意呢件事....

諸事不順.........

2006-08-29T21:58:00.000+08:00

呢排做親d野都係有d阻滯其他唔講尋日拍完一段片之後發現斷
time code 算... 返到去lab capture先發現個問題的嚴重性....... Orz 原本
想返屋企攪點知部cam又有問題........ 唉...... 又係要聽日晨早返去攪.......
到底仲要黑到幾時.... 灰到爆............. 呢排心情都唔好仲要整單咁的野
而家只好希望明天順順利利... 希望有一個美好的終結....

人生總是充滿著煩惱.... 還是我想得太多?

2006-08-17T05:52:00.000+08:00

死亡筆記? 不錯呀

2006-08-15T00:38:00.000+08:00

因為POKMAN的提議原本無諗住睇不過都付出左$30去看一看本身
之前無接觸過漫畫所以對內容只是略知一二一開畫首先睇到的係日本
沉沒的TRAILER 首主題曲和畫面很不錯呀之後就開始啦首先鏡頭從
高空急降至地面之後DEATH NOTE就趺係地上呢個SHOT幾好好簡單
交代筆記的由來相隔一會就開始講述大部份疑犯都因為心臟麻痺而死....

之後的劇情都是圍繞住主角夜神月同警方AND L 鬥智鬥力... 劇情流暢
好多兇案都睇得出有細心編排... 不過去到詩織被殺同直美自殺之後就暫
告一段落比較失望期待下集整體上都有一貫日本電影編劇的水準大部
份情節都很有心思值得一看

完場之後仲撞到MISS YAU 真係有緣希望遲下仲有機會一班人gathring

龍虎門!? 爛!!!!!!

2006-08-06T23:01:00.000+08:00

今日約左大隊佢地一齊睇龍虎門初頭都聞說套野媽媽地不過完全
係比想像中更爛...今次又係去百老匯不過今次係新院來本身都知係迷
你院點知真係細到成間試片室咁... 而且都發現大部份觀眾都係一些中年
同公公婆婆.... 龍虎門都真係幾深入民心.....

全套片完全無TIME LINE可言由頭到尾都唔知故事的發生時間係咩
年代.... 一開始王小虎同馬小靈的相遇..... 真係心中即時爆出WTF 因為認
錯同學而相識 D橋真係舊到.... 之後酒樓同料理屋的打鬥場面都不否認係
幾精彩節奏明快不過之後的時間就真係... 太多多餘的SCENCE 例如
馬小靈借機拎小虎電話... 比較好笑都係童年小虎比人兇......
"你喊咩丫~~信唔信我打到你笑丫拿" 終於笑了.... 之後的情節都係無甚
特別... 總括來說係我第一套覺得連$30都唔值的戲.... 真係好想知編劇寫
劇本時諗咩!? 希望下星期套CARS唔會令人失望....

By census 2006

2006-08-02T21:06:00.000+08:00

18日的工作終於完結有苦有樂苦在要做成79個單位最後有19個未完成
每天日曬雨淋樂就在於大家都相處得幾好話題又多同夾所以d時間都過
得好快尋日last day 主要都係派信之後返到centre就點收之後都係hea下

夜晚終於可以17個人一齊食飯大家都好多話題之後再同另外幾個同事去
cafe坐 18日私工作真係見到好多野雖然自己都住左係呢區18年但原來好
多野我都係唔知大家keep contact

The Champion is ITALIA!!!!!!!!!!!!!!!!!!

2006-07-11T23:45:00.000+08:00

經過一場極之劣勢決賽最後12碼以5:3氣走法國意大利!!!!!!!!!!
2006年世界盃冠軍係我地啦!!!! 等左8年終於可以親眼見證到捧盃
的一刻心情難以形容保方,格羅素,大簡,馬達拉斯,森保達,派路,加度素,
托迪,東尼,恩沙基,迪比阿路多謝你地為意大利的付出之後的司法部的
判決已經唔重要 2年後的歐洲國家盃要再接再厲今屆世界盃係近呢兩
屆以來最滿意同最開心 FORZA AZZURRI!!

FORZA ITALIA!!!!

2006-07-07T14:46:00.000+08:00

經過咁多場比賽意大利終於再次殺入決賽算係第一次有幸見證意大利
進入決賽賽前一致被人睇淡出線16強之後更被人話走線成功之後8強
對烏克蘭又話對手實力相差太遠終於到4強對手係主辦國的德國今次
終於上演一場最精彩的世界盃賽事可以話今屆睇得最投入的一場

法定90分鐘互無記錄加時上半場基拿甸奴同森保達射門診都中柱同
中楣開始諗意大利的運氣又無哂? 唔通要4強止步? 戰至加時下半場德
國仲有兩個威脅射門最後被保方救出!! 到臨完場由派路遠射獲得一個
角球之後意大利憑呢倨角球領先1:0!!!!!! 派路的妙傳格羅素的妙射換
成入球當時興奮到同阿鋒擁抱\\\:cwm26:/// 之後的反擊由基拿甸奴
後傳給迪路再笠射 2:0了終於鬆一口氣終於見證意大利進入決賽!!!

下一場再次面對死對頭的法國今次要報world cup 98 同 euro 2000的
兩戰之仇唔理其他人點講意大利今次一定會全力支持!!!!

FORZA AZZURRI!!!!!

放假的日子真係好悶............

2006-06-26T16:12:00.000+08:00

考完試都成十日呢排係屋企都係上網+打下機咁出面又鬼死咁熱...
成日都想去影相不過熱到咁真係難攪... 等下個月買左支sigma 10-20
先再出動啦

呢排例會都比較少人出都有d靜而且wccf方面又成日撞唔到ICC 見到
有的時候就8部機滿哂真係喵的 HOD4就最勁試過去到第一形態的rider
不過之後d成績都麻麻 XDXD 呢排新出的TC4都不錯不過比上集難玩
要交下學費....

世界盃方面出線16強的球隊都好正路係捷克比較可惜... 不過呢一
ROUND都幾多暗湧阿根廷差D出局荷蘭就16強止步不過呢場真係
茅到呢今晚到意大利要KO澳洲呀!!!

雜記

2006-06-18T05:42:00.000+08:00

試終於考完不過不失應該唔駛比錢補考世界盃又開波啦 d賽果本來
都好正路今晚就開始爆啦捷克同意大利真係....... 下場希兩隊都打好d
仲錯我地條飛斷纜:cwm26:# 下星期六要去屎套屋企睇波!!!!

完了

2006-05-30T22:16:00.000+08:00

經過呢一個星期 cgv project同英文presentation都完啦成績都算不過
不失過星期四的b&o present同星期五的cgv test 就開始溫書都仲有兩
星期溫習時間份cgv project雖然真係付出左好多時間不過結果都係爭d

另2

又係時候搵下michael同浩健啦星期五唔知得唔得呢...

死亡的一星期

2006-05-23T00:36:00.000+08:00

咁耐無打日記的原因都係因為d project同assignmemt 忙埋呢個星期就可以
休息一,兩日啦........ 暫時打的野都係唔多... 等星期六先慢慢寫....

以和為貴?

2006-05-03T01:40:00.000+08:00

同浩傑,Michael食食下飯突然興起就去左皇后戲院睇戲院個feel好正
d佈置仲keep得好好充滿住6,70年代的風格同百老匯 0個類的新興真
係有好強烈的對比...

由於無睇第一集的關係所以對戲情不深全套戲每一段的戲情連接交代
得比較差但當中某幾段對手戲都很不俗特別王天林同古天樂及任達華
呢兩段血腥場面其實都唔算好多斬手斬腳的那一畫用剪影來交代不過
氣氛沒有減弱角色方面比較的人算係鄭浩南永遠只係講錢口頭蟬係
加錢呀去到死之前都係咁.... XD 總括來說最鍾意D lighting 特別係古天樂
當選話事人的那一慕而最後一場古天樂同副公安廳長對話的一慕似是影射
香港的現況

最後都幾推薦大家入場觀看以$30票價來說已經很超值

無野做就打少少野啦...

2006-05-01T01:53:00.000+08:00

呢排個blog的更新都開始不定期其一係無野寫其二係無時間寫上星期
日同使徒去影相+試機開始對部機有基本認識雖然影的野不多之後0個
幾日就開始不停攪video team的野同assignment 簡直想死... 好彩呢個星期
只係返兩日可以回下氣呢排嚴重赤字... 人口普查要有second in呀!!!!

經一事長一智

2006-04-22T15:56:00.000+08:00

尋晚又同浩健+Michael去hea 不過其實都係想吹水+玩相機 XD 不過
都有D小插曲在此不詳述不過你地都講得岩凡事都要留有餘地唔好
去得咁盡多謝兩位的提醒 Orz 證明我當你地係我的好朋友係無錯:cwm26:

終於有時間寫野啦

2006-04-18T23:06:00.000+08:00

放左咁多日假都攪左幾多野星期五去左pako屋企打邊爐+鐵板燒(?)
不錯不錯之後又同幾個同學玩mk 不過因為我唔通頂的關係所以23:00
左右就走原本以為仲有960搭原來係無.... 攪到遲左成大半個鐘先返到
屋企準備迎接去打毛波+使徒家的gathering :cwm26:/

齊人之後就大家行去體育館不過唔熟路的關係都攪左陣先去到等到
19:00就開波今次成日發球失誤真係媽的之後都係打得麻麻到最後半
個鐘四條友開始玩野 XD 使徒的360度轉身接球太強 Orz 之後就去使徒
家燒炭

去買多少少零食就開始燒但d炭唔生性個爐攪左好耐都無咩起色不過
最後都攪掂左之後一路燒一路吹水跟住就玩下uno+飛行棋 uno大家都
玩得好刺激:cwm26: 22隻牌唔係問題呀 XD 之後私飛行棋同樣激烈今次
又係大隊贏~ 之後同使徒玩左陣育成同睇左套動畫就HEA左陣之後就訓
醒番就12:00 之後又大家一齊咬LUNCH 終於知咩叫加勒比海風味的牛腩
大隊:cwm19: 之後就散水

後日又到b&o的 test cgv仲係0進度死得Orz

終於買左解藥....

2006-04-08T22:12:00.000+08:00

比使徒毒左咁耐今日終於入左D70S 唉~~ 我D錢呀~~ 雖然暫時得支
KIT LENS 不過過幾個月就可以再入鏡... 希望過到training啦... 之後咬
完飯之後去左陣聯合就返家

呢排都無咩特別係時候要準備下來緊0個兩個test同份3ds max project
video team的工作暫時告一段落可以休息下下星期又去使徒家今次希望
多d野攪使徒快d一齊去影野啦XDXD

又係時候寫下週記

2006-03-27T21:55:00.000+08:00

上星期主要都係PRESENT+TEST PRESENT就無問題不過兩個TEST都
係麻麻地 3DS MAX真係唔易用... ORAL就... 希望PART2拉到分不過之前
0個三份應該都夠分拉到PASS卦....

之後星期六又去左拍EVENT 無咩特別野不過睇番而家中學生都覺得有
D特別但又講唔出係咩個半月時間剪睇下會變成點... 之後原本想星期六
買D70S 不過諗多一陣都係儲多少少錢先買最後走左去買鞋 XD 下個月
買到機未呢....

到左今日又係TEST 不過今次TEST JAVA PASS都無問題不過希望高分D
之後堂M TECH LAB去左打燈玩完部機之後發現個數碼機背真係物有所值
不過價錢真係.......... 又係時候開始攪下D PROJECT....

其實.....

2006-03-19T20:50:00.000+08:00

自從讀番書之後煩惱的事好似不停地咁增加比返工0個時更多點解呢...
對既人同要處理的事的數量都差唔多.... 睇來我需要了解下自己的問題所在
啦...... 今個星期終於要present...

"我地" 呢兩個字到底可以係咩野關係? 定係我想得太多? 最簡單的解決方法
問佢咪知囉............. 其實到底我係咪放左手ga?

遲下可能會變成寫週記...

2006-03-12T20:48:00.000+08:00

今個星期keep住日日都有少少野攪攪到無咩心機寫野不過其實可以寫
的野都唔算太多尋日星期六就返左學校幫engine 0個邊拍野一早出哂機
之後度位到正式開始拍的時候開始發覺有d混亂自己team的人好多時都
唔太明個shot係點拍證明大家的溝通都係唔足夠都需要盡快解決呢個問
題先... 之後累到死都係唔出例會返屋企訓下算....

到左今日就同使徒去左行花展感覺麻麻不過可以影的野其實都幾多XD
不過自己器材所限可以影的野不多之後就拎左使徒部機玩下真係一分
錢一分貨我的毒睇來又深左人口普查要抽中呀.......... 之後返灣仔食埋野
再HEA多陣就走~~

其實每一日都有開心同唔開心的事唔需要太在意.....

AC要加油呀

2006-03-09T22:51:00.000+08:00

經過兩日的歐聯比賽本身支持的球隊全部出線太好了見到車仔同利記
出局真係........ XD 不過祖記始終有點兒幸運到底下一回比賽之後邊4隊
出線啦今年都係想AC拎歐冠希望下一回可以見到馬甸尼...

呢兩日DAY OFF 個英文portfolio都完成左大半預計星期日前完成之後
就到keyskills的portfolio 呢排都幾忙隔日就要開一次咁濟不過都過得幾
充實星期六正式開始我地的第一份job XD

定期寫下啦....

2006-03-05T00:36:00.000+08:00

星期五所謂的meeting teamB班人又私自提早開會好趕時間咩? 既然
15:30去唔到點解又唔出聲? 少少的責任感都無幾時先開到一次正正
式式的conference? 到底下星期可唔可以交到個digital的sample? 哈...

來緊要交兩個portfolio 一個係關於英文一個係key skills 加埋岩岩好
20日每樣用10日做 fit哂... 捱埋個3月就可以輕鬆番d

又開始忙.......

2006-02-28T23:49:00.000+08:00

project又開始湧出來呢幾日都係忙係做lab同project 不過都好既有
野做下總好過無野做太空閒都係唔岩我但又唔想太多野做真係矛盾XD

星期五的meeting 希望大家都度到d好idea出來.....

毛波都係要再苦練

2006-02-26T23:30:00.000+08:00

尋日的毛波對決.. 不錯不錯大家都打得好開心而且仲發現使徒打毛波
係好有天份同肥鳥無咩連携成日誤會......... 要再夾下成日殺唔到波...
一係落網一係出界返學都係要打多d !! 遲下再book場打過!!!

我病了?

2006-02-22T22:53:00.000+08:00

呢排狀態都不太好之前返屋企無耐就不停打噴嚏到底係比人講定真
係感冒呢? 唔想而家病喎.... 星期六又打毛波.....

和michael同浩健的聚會+星期六的慕尼黑

2006-02-19T11:56:00.000+08:00

由於星期六只係訓左三粒鐘所以而家先有時間寫.... 星期五晚美其名
是出來打wccf 實際上三條友都係講感情事+平日d麻煩野XDXD 再一次
明白自己的問題... 真係要做下planning.... 浩健的問題再一次證明局外人
睇一件事比局內人更清楚咁既野你都諗唔到!? michael個問題好似沒完
沒了... 傾到三點幾就散輕鬆哂....

5個鐘之後就出門口去睇慕尼黑一套有期待的戲初段運動員被脅持的
片段很有迫力.. 之後主角們經過數次的行勳都開始諗自己到底真係做得
0岩? 後段戲情開始轉變主角們開始比人暗殺其中一段主角怕自己被人
用之前相同的方法來暗殺 check電話,電視最後要係衣櫃度訓表現到佢
的驚慌... 故事主要都係想表達以暴易暴係解決唔到問題但相信呢個世界
永遠唔可能實現最美中不足的地方同大隊一樣好多坊言都無字幕如果
有字幕應該可以更加了解個劇情....

又過左一年一度的情人節

2006-02-16T20:56:00.000+08:00

今年仍舊自己一個過感覺比上年好 XDXD 雖然間唔中都仲有諗上年
的事不過都係一D經驗既今年成班裡面得幾個人有拍拖... 真係少有...
返學做完D公式化的野就陪阿豆去交學費交完又陪佢見女朋友前HEA一陣啦...

對話內容省略但從對話的內容已經確切肯定佢女朋友係一名正宗的港女
對錢好執著... 又成日講某人對某人怎樣好不過阿豆最後都補充一句一個
願打一個願捱無法... 之後就歸家...

到左星期三同今日都係覺得自己好似遊魂咁成日失憶唔係真係老得咁
快..... 暫時期待星期六睇慕尼黑+下星期六的毛波.....

訓唔著.. 又呻下先

2006-02-10T00:38:00.000+08:00

呢排成日都失眠雖然係比幾件事煩緊但以前都無咁嚴重... 發覺近
一年好似變左好多..... 呢排主要都係煩學業同d感情事尋日煩多樣關於
家人..

學業上主要又係怕某d科要re-test 而家最怕都係數學... 雖然成日都覺得
係夠分pass同自己睇番份question都係咁諗但總係成日都係度不停諗...
英文就其實自己聽就係唔太大問題只要唔好有太強烈的口音同太快...
但一講就真係好差成日都要慢慢諗句野... 可能真係平日無咩機會講..
遲下份project都係一個機會去練習下其實覺得自己又唔係讀唔掂0個類
但係成日都好頹.... 學業上就係煩呢d...

感情上就.... 都唔識形容初初識0個時其實都發展都幾順利不過近一,兩
個月d關係好似怪怪地.. 詳細就唔形容好多時都有放手的念頭但隔幾日
又想繼續落去.. 其實點解咁鍾意自尋煩惱呢?

呻完

星期二+星期四的雜記

2006-02-09T22:23:00.000+08:00

今日先有心情寫番... 星期二一返學就係英文堂成績同預計的差不多
真係差少少先pass 不過都有心理準備只好遲下做好d 0個兩份野不過
之前oral的失準都係其中一個主因來放學之後就出旺角準備同貓貓餞行
其實都返左來一排不過時間真係過得幾快~ 又要返澳洲 hea到六點左右
主角就出現之後就商量去邊咬飯最後又係去番sogo 食完野又係一貫的
馬拉松式吹水話題始終都係源源不絕 XDXD 之後又返旺角打機今次
HOD4終於去到第四關感動... 之後就散水貓貓期待你快D可以回流!!

一到今日上堂終於知道科B&O係讀咩原來主力係講MARKETING 總
算比ACCOUNTING好不過Ricky都講明係好多野記只好努力啦之後
堂key skill就講個portfolio 都係一ｄ麻煩野不過一個的月左右時間都夠
應付過多呢一,兩星期空閒時間應該又會越來越少今個sem真係要好好
咁分配時間...

無題

2006-02-05T21:57:00.000+08:00

星期六又係例會不過join佢地之前去左同阿Nic打左陣wccf 都好耐無
一定打過另外隊阿仙奴終於玩完原來由上年9月打到而家... 今次開左
隊荷蘭暫時都打得不錯打左4鋪就走啦....

今日下午的行程照舊到左夜晚商量去邊度咬飯都傾左好耐終於最後
決定去尖咀sogo foodcourt 同王子去過兩次之後無去啦.. 今次去又係食
pizza+牛肉薯餅 d薯餅真係好正今次又食左兩個~~ 之後就開始吹水
今次的話題集中係漫畫+語文(?) 今次又識左唔少野 XD 同埋研究左隔離
枱的一對情侶 XDXD 之後又走番去打機去左陣金星無咩岩玩打左兩鋪
WCCF就過場最後又返番去聯合

係聯合玩HOD4 同使徒的誤會最後仲害死佢 sorry Orz 之後大隊打完話
金雞0個部易打好多下次真係要打番鋪之後三條友就走左去食糖水今次
發現貓貓食糖水真係好有研究:cwm26:" 食完又開始吹今次講番中學的事
+電影原來大隊試過上上下堂隔離學校飛個斧頭過來真係無言.... 吹到兩
點左右就散水....

越來越發覺我係好鍾意同fd吹水又係時候搵下michael同浩健 XD

使徒我會記住你!! :cwm26:

2006-02-02T00:33:00.000+08:00

星期二係初三又唔駛拜年肥鳥又問有無人出來見無野做就出來hea下
又係例牌菜的行程不過出來的目的其一係搵肥鳥教我玩動物之森其二
就係同使徒去睇鏡...

同使徒入左永成就開始四處打量好快就搵到目標同我相量左一陣就決
定出手大財主真係唔同d :cwm26: 試左一陣同check少少野就比錢真係快!
之後就join番其他人係呢排對nikon的印象改觀左好多以前的感覺係技術
永遠比canon落後唔識照顧用家但自從d70開始到而家的d200開始感覺
到nikon終於醒覺另外canon d 鏡不停加價都係一個不太好的印象呢一刻
我都係決定轉投Nikon!!!! 使徒復活節前我一定會買機!! XD

使徒其實桀左有錢仲好叻放毒....

提前了的例會+新年行大運(?)

2006-01-29T14:04:00.000+08:00

無打幾日blog.. 其實呢兩日都係出左街前日就係平時的例會無咩特別
同平日差唔多不過中午約左Joyce食飯見到Joyce個髮型又唔同左清爽
左之後一路食飯一路講下大家近況話題雖然不多但都keep住好多野講
所以好耐之前我已經覺得佢係銀行入面對我最好的人..... 之後返去銀行就
搵阿旳話題都係近況+相機大家都無因為太耐無見而生疏都幾開心途
中A先生經過當然一如以往大家寒暄下原來佢終於買左psp 真係講左差
唔多成年... 之後就去join大隊

出到旺角又係照舊打機其實都好習慣性咁做好多時都係gathering先打
平日都無咩入機鋪不過都發生左少少事既中途天子失蹤我地搵過哂間
機鋪都唔見之後返到屋企話我地唔理佢真係莫明奇妙...... 之後因為要做
節所以入左沙田一陣之後出返來去左陣聯合就散水...

到左尋晚就因為大家都覺得無咩野攪所以就都想出下來不過就唔太多人
得四丁友貓貓失左蹤... 打左陣MK 終於可以同頭幾位爭到下... 之後就行去
銅鑼灣都係食野+吹水之後行左陣花市不過太多人都係行左陣就走之後
就行返落灣仔浴途三條友不停吹水最鍾意就係咁真係咩都可以講一餐好
快就返到灣仔咁就行完大運...

呢幾日都過得好開心幾好幾好

攝影+羽毛球

2006-01-26T23:23:00.000+08:00

今日約左使徒出去影相 12:15左右過到尖咀之後去食野+hea左陣之後
就出發不過其實都諗唔到影咩好所以我提議由尖咀慢慢行落尖咀搵野影
沿途都影左唔少野 XDXD 不過筒菲林仲有十張先影哂搵日再努力D先行
到去油地想去美都食下野所以CALL左大隊出來....

JOIN埋大隊之後就去咬下午茶叫左個西多+檸樂件西多麻麻啦不過
都好重蛋漿幾滑之後又不停吹水跟住就又去左行街... 又見到好多想買
的野不過一諗起咭數就....... HEA到18:30就散水之後去左打羽毛球

去到等左陣浩健就出現另外三個人係第一次見.. 之後初初玩下雙打打
左陣就開始輪流玩單打不過塊拍爭少少成日"殺"唔到波... 打打下就變左
教人開波之後又打左陣就散水...

總結來講今日都過得幾開心希望遲下再BOOK場再打啦不過美中不足
係無啦啦胃抽筋....

終於考哂啦!!

2006-01-25T20:24:00.000+08:00

尋日考埋最後一科終於可以休息啦今次科data communication都應該
十拿九穩啦雖然之後知道有一題做錯左不過pass就無問題啦~~~ 考完
之後大家都去左搵阿tim傾下關於video team的野之後大家就出發去唱K

去到之後都係輪流唱下今次算係去唱咁多次之中唱得最多歌的一次好
多呢排聽開的歌都有唱順便發洩下 XDXD 唱完大家就出尖咀打機去到
金聲見無野岩玩就同大隻,阿朗出去遊蕩下行下SOGO同海港城行左陣
Michael又CALL我叫我陪佢買褲之後行左個幾鐘唔係唔岩SIZE就係唔岩
款最後都係空手而回之後JOIN番阿朗佢地去新港搵阿東之後又係行行
行睇中好幾件TEE 唉..... 之後就去尖東JOIN阿Tim同Ruby打邊爐...

因為Ruby就走所以攪番次farewell 個氣氛幾好大家都有講有笑特別
係阿Tim 好多gag呀不過下次再攪gathering就唔好打邊爐啦... 攪到差唔
多就12:00就散水啦希望妳真係搵到份適合妳的工作啦

另

放手睇來都係最好的解決方法希望今次做得到

睇極都好似唔識...

2006-01-21T00:01:00.000+08:00

下星期二就要考埋最後一課呢科係關於data commucations 呢兩日
開始溫不過真係好多野記... 真係溫到.... 不過都溫左一,兩題question
應該執到少少分呢科唔求高分只求pass 星期日同星期一要再加把勁
先得各同學同埋阿藍努力捱埋佢啦

成日都係咁

2006-01-17T20:31:00.000+08:00

今日數學exam 返到屋企睇番份卷發覺幾題又做少左一,兩個step
唉咁又唔知蝕左幾多分雖然覺得夠分合格... 不過都係有少少驚....
唔想re-test呀... 睇來呢排都係黑仔... 下星期的data communication
又係怕睇來記完答案都要試下寫番一次出來先可以安心

唔想有re-test呀.............

終於見到大隊啦 XDXD

2006-01-15T21:59:00.000+08:00

經過近兩個月的時間終於再次見到大隊啦精神不錯呀 XDXD 同以
前差唔多行程都係差不多又係大家樂 -->星人 --> 金雞不過有大隊
係度氣氛係唔同D既! 等到19:00左右齊人就出發去打邊爐今次去左九
龍城的方榮記終於都可以試下去第二度食野~~ D火鍋料都不錯特別
係D鮮魷,牛柏葉同"九"菜餃不過D野食真係去得好快食得唔算飽.... 今
次有少少蝕水..

之後打的出番聯合打左鋪HOD4同兩鋪WCCF就開始無咩野做.. 之後
就捉左王子出街吹水+睇野又講左D對前景(?)的睇法之後佢地都出埋
來就HEA多陣就散水

今日就好普通... 入左大隻屋企同其他人一齊溫下書好似好耐都無試
過不過都睇到大家都有比心機去溫希望星期二可以順利過關啦今日
搭車的返家的情景同上年某日差不多不過心情已經唔同哂....

繼續...

2006-01-12T00:08:00.000+08:00

今日又因為一個電話而灰左.... 發覺近呢一個星期都無咩事令我有
開心過在公在私都係... 幾時先可以開心番呢? 哈.... 或者唔開心的主
因都係在於我......

又無啦啦灰哂..

2006-01-11T00:21:00.000+08:00

幾隻字可以代表d咩呢? 做咩成日諗得咁複雜.... 攪掂考試先再算啦..

可能真係想得太遠(?)...

又要test啦...

2006-01-08T23:50:00.000+08:00

休息左兩日個人都精神左不過聽日又要回復通頂(?)的日子今個星期
暫時要test d&t 交mini project 同埋星期四要present html... 之後下星期
二就考maths.... 又要不停睇番d tutorial同test 不過我一定要pass.....

大隊終於出院啦 XDXD 期待星期六的例會!!

終於可以休息啦!!

2006-01-06T23:40:00.000+08:00

逢續兩日趕工 vaf的project總算完成雖然都有點美中不足... 不過
下星期又有project同present 唉.... 今日仲做埋vaf份present 都係差
左少少不過算啦大家都出左力下次再做好d... 而家最緊要都係休息
下先....

假期總結(?)

2006-01-02T22:02:00.000+08:00

聽日又要返學之前定的目標都算達成左大半起碼條片都係差配音
PRESENT就做好左自己0個PART HTML都係差少少手尾算係咁...
當然做得哂就最好 XD

放假唔計逄星期六的例會都係得三日出左去玩最悶都係30號去
燒野食成班都淨係燒野食又無野玩最唔掂係要成$60 下次去大
尾篤啦.... 呢排又係時候開始溫書測兩科目標都係PASS啦!!

新年快樂

2006-01-01T14:11:00.000+08:00

咁又一年今年除夕的行程同上年差唔多不過少左好多人最記得上
年兩個鐘內由中環入屯門再番旺角join 大隊佢地哈...... 算啦..... 今年
晨早就去睇king kong 看後感又係不過不失始終初段交代個
background用左唔少時間中段係主要一些電腦特技的畫面都有少少
攪笑的情節例如女主角扮死逃走和女主角同暴龍對望等而且仲有好
多我最怕的蟲太嘔心... 去到後段當kong比人捉左去紐約逃走左之
後去搵女主角當佢搵到之後仲帶她去結左冰的湖面溜冰睇到呢度
覺得原來kong都好浪漫 XDXD 之後就到左經典的帝國大廈的情節
動作的情節又係不太感興趣去到最後KONG同女主角訣別(?)的時候
就有少少眼濕濕... 不過係死之前一刻可以同自己鍾意的人渡過都已經
很好...

睇完戲之後的行程都係打機不過氣氛始終麻麻都係HEA一陣之後
又去咬下午茶食完又上左星人度係門口的時候又不停同王子係四周
打量一番算係我同王子的共同喜好 XDXD 之後阿藍同王子早走
到9點幾貓貓又出來見機鋪都係無野攪之後過老麥吹水吹左個零
鐘就過朗豪坊倒數之後又返聯合HEA多陣之後就得番我同貓貓又
係不停吹水不過主要想呻下0者多謝貓貓肯應酬下我:cwm26:

新年新願望... 都係想可以自己鍾意的人過下節啦雖然上年都係呢
句 XDXD 最後大隊如你所講無左你我地真係少左好多樂趣呀 XD

呻

2005-12-30T21:37:00.000+08:00

當初成日叫人諗有咩玩但叫到你玩又唔玩咁即係點呀? 以後唔好再
問我

唔覆電話真係一件咁理所當然的事?

呻完

燒碳燒碳

2005-12-27T15:34:00.000+08:00

星期日又入左使徒屋企燒碳諗番上次都已經係8月的事今次同上次
一樣係粉嶺集合之後又分頭買野今次去超級市場買多左野飲! 之後
又係買番d膠杯,膠碟之後就行去使徒屋企之後大家hea下 hea下就
成22:00 咁就去開爐啦!

今次又係不停燒腸 XD 其他好似D丸同扒的份量都岩岩好今次無咩
食淨野哈之後同貓貓,ZERO,使徒係度吹水吹到兩點幾就上返房玩
多陣MARIO KART就訓左.... MK我以後唔會用架飛機....

大隊等緊你一月終極燒碳!!!

唉

2005-12-23T10:02:00.000+08:00

今朝聽葡萄成熟時一聽到開頭0個句就覺得好中.....

差不多冬至一早一晚還是有雨當初的堅持現已令你很懷疑很懷疑
到最尾等到只有這枯枝..

睇來我好需要休息...

2005-12-20T20:55:00.000+08:00

今日編文錯埋d白痴野灰希望pass就夠不過發覺呢排都係不在狀態
呢兩日係時候好好休息下啦.. 星期四又要做project

忙忙忙

2005-12-19T23:12:00.000+08:00

聽日終於考英文的writing test 之前都有做過一次成日串錯字大致上
格式都記到希望聽日順利之後星期四至六都要繼續攪vaf個project 希望
可以三日內剪好段片之前哂左好多時間放聖誕假時希望可以做好份
presentation同html的assignment!!! 講真正出去玩的日子應該都係23同30
日正日唔知有無人約啦...

終於感受到真正的示威(?)

2005-12-18T00:59:00.000+08:00

今日照常的例會無咩特別... 不過去到六點幾阿爸打比我先知原來
灣仔0個邊好似暴動咁又封地鐵站同紅隧心諗唔係咁大件事卦......
之後行左去金雞見到有電視報道緊見仲話有裝甲車出動... 唔係真係
暴動卦.... 之後又係不停hae 之後十點零走人

一上巴士就話只係去到中環無所謂啦到時再算搭到中環落車
一落車就勁大風正一個人係度行的感覺係唔同d 同我呢兩日的心
情好貼切之後行過銀行今年無左棵聖誕樹不過多左d燈飾都係
上年靚d! 之後慢慢行沿途都幾多人唔似平時的中環... 行左幾個
字就返到去屋企之後睇新聞完全覺得0個班係暴徒自製鐵枝又週
圍破壞....

最後當然要多謝有關心過我的人啦 XDXD

比人點中...

2005-12-16T22:16:00.000+08:00

既然一哥叫到點可以唔做呀...

1.由某個blog發起，出一個題目。
2.在自己的blog中完成題目，然後點名另外幾個blog完成同樣的題目。
3.另外的幾個blog完成題目以後再分別點名，依次類推。
4.被點名的blog在完成題目時要注明被哪個blog點名。
5.不可回傳，加一條自己出的題。

最近在看的電視：
無.. 已經太耐無追電視劇....

最近在聽的音樂：
周杰倫的珊瑚海+ stephy的藍鞋子百聽不厭 XDXD

最近在吃的東西：
呢排多數LUNCH食燒味貪方便同快...

最近關心的話題：都無咩.. 關心自己的成績算唔算? XD
最近常去的地方： TY IVE 同旺角? 基本上日日都去..

最近最想做的事：
想聖誕多D節目.....

最近常想的人：
基本上都係0個個不過唔係度講啦 XD

最近身體情況：
無咩病痛不過不失哈...

最近理財狀況 :
見紅嚴重內出血

對朋友最想說的話：
多D約我出街啦好悶呀

對自己最想說的話：
想做就去做唔好再比藉口自己

想一個減肥的良方：
去抽脂啦 XDXD

記憶中做過最瘋狂的事情之一：
應該無喎... 可能我平時太多顧慮

喜歡K歌的程度(1~10)：
7分卦不過我係情歌向

最喜歡吃的食物：
炸豬扒牛扒

不吃的幾樣食物：
生蠔莞茜

最想去的地方：
日本因為好多野想買意大利同英國無咩特別只係想去

看到馬路上誰覺得最惡心：
理解不能

最想要的禮物：
屋企人健康同唔再成日預到不如意的事 =__=

心目中的伴侶是怎樣的一個人
諗野唔好太細路已經好好

你現在還單身嗎？如果是，準備什麼時候找一個？如果不是，WHO IS YOUR MATE?
努力緊啦不過唔得都無辦法

如果養寵物會養什麼，起名字叫做什麼：
狗名就真係無咩頭緒

如果只剩下一天的時間，你會做什麼：
可能平平淡淡咁過左佢...

最多的時候，你能一心幾用地做事情啊？
1樣不嬲都係

誰是對你最最重要的人？：
家人同未來的女朋友(?)

來世如果給你充分的自由，你會想做什麼職業？
無所謂只要過得開心就可以

如果你有曾經的戀人，你現在最想對他（她）說什麼？
同大隊一樣~

如果沒有，那你想對將來的戀人說什麼？
說話就無或者行動上令佢無時無刻都可以開開心心

what would you do if you got depression?
喊喊喊

您認為一個人的過去重要嗎?
都重要因為好多人都會因為某些事而改變自己的路

父母為你做過最深刻o既一件事係…??:
細個成日病.. 要佢地成日送我去急症室.. 唉...

你會同個仔個女改個咩名: 到時先算

甚麼事令到你刻骨銘心?
叫我諗又諗唔到..

直至lee一刻你最後悔既事係咩??
後悔自己做野太急進

你對將來有咩憧憬?
好"車"望的想法有自己家庭大家都開開心心就夠

你覺得現在生活得開心嗎?為什麼?:
認同大隊能夠活著~總是有趣的~

到底點先算係愛上一個人?
感覺就是感覺當你遇到她就會明

點先可以樂觀d??: 因為我唔係唔識答

if 時間可以停….最想留係邊一個stage..?:
返去幼稚園的時候因為人越大煩惱都越多

你最記得你既伴侶既一句說話係?
都無過點會有!!

你覺得追求夢想重要定係有安定ge 生活重要!?
我份人係比較PERFER安定因為我太多顧慮

人既生存價值係在於咩呢 ?
令自己死後都仲可以有人記得你當然係要一D正面的事啦

你為甚麼要寫日記/xanga? 寫比自己同朋友睇主要想呻下0者 XDXD

想唔想長命百歲?!
健健康康有80歲命左右都好夠

chiman: 認真想想, 請說出自己既優點同缺點?
缺點:都係太顧慮
優點: 守時? XDXD

nest: 你介唔介意另一半既外表?即係你會唔會以貌取人?
唔會因為好多時都係鍾意佢的性格

Fiona: 你鍾意咩動物??
樹熊 XD 龍貓...

Davy: 點解您會咁得閒做依個問答遊戲既? 咁得閒不如黎留個言呀?
咪就係得閒先做下0者

Ren: 點解能堅持自己理想既人只有咁少?
因為好多時都有放棄的念頭

MAGE: 你鍾唔鍾意食咖喱?如果鍾意~你會配D乜~?另~你鍾意/唔鍾意佢D乜~!!ANSWER ME!!
鍾意配豬扒

森苗: 到底愛情係唔係真係咁重要?

做完….到我點….下列人士中獎~

好多人都比人點左... 咁就HERMAN同肥鳥啦唔知睇唔睇到啦

雜記數則..

2005-12-14T22:35:00.000+08:00

呢幾日無咩特別的事發生.... 到底是好是壞呢? 尋日放假原本約左阿鋒
溫書不過佢要返工算啦自己溫啦下午又係照舊的行程因為來緊幾
日又開始涷所以都係決定買番件西裝褸算.. 銅鑼灣無咩心水過番尖沙
咀行左陣都無咩心水之後去左united color 有件都幾不錯又唔太casual
最後都買左.. 之後陪佢過polo買裇衫終於發展原來海港城0個間都有男裝
XDXD 同埋D款多過SOGO好多我都有睇中一,兩件不過下個月先買啦...
最後又係大家都買到想買的野~~ 之後行多陣街就散水

今日派左數學份卷緊緊合格不過發現自己成日解錯題真係要改下....
之後今日VAF堂LAB過左去錄音室好正呀XD 可以玩錄音個PANEL好多
掣大家都玩得好開心遲下都要BOOK來幫個PROJECT做配音!! 之後攪左
陣D PROJECT野就陪阿英出旺角買野不過最後都幫唔到手 SORRY...

星期五+星期六的日記..

2005-12-11T23:41:00.000+08:00

星期五堂D&T的LAB終於由CY井開始教呢堂玩電路板但對我來講
真係好難... 同阿豆攪左一段時間不過都唔係最慢0個組.... 攪掂左就
去踢左一陣毽之後就搭車返灣仔都係hea下hea下夜晚浩健問我係
灣仔海傍點行去中環見無野做就落去散下步 XD 同佢去左中環個
繽紛冬日節都幾多人而且又大左睇下仲有無機會去.. 之後行左上
半山見無野做就CALL MICHAEL 呾之後就佢樓下吹水吹左成差
唔多三粒鐘好開心呀又識左好多野同你地傾計真係開心好多同
埋又可以幫我解決問題(?)XDXD 之後同浩健去老麥食少少野就返家..

星期六晨早返到學校諗住CUT片點知原來要BOOKING 真係喵的
之後同東尼,HERMAN就不停踢毽又熟左少少可以控下啦之後陪
HERMAN出去睇GAME 最後終於買左隻古惑狼賽車星期一要試玩
夜晚入第一城同阿婆食飯無咩特別之後又出旺角搵左陣肥鳥就返
屋企呢排星期六的例會都幾少人出起碼大隊快D番來啦=__="

開心與唔開心只係一瞬間的事

2005-12-09T01:05:00.000+08:00

三個鐘的時間由開心變成唔開心不嬲都唔鍾意人呃我如果真係
無心既就唔好應承我啦有時真係做咁多野為咩呢下下都係有事
先搵你.... 總之心情極之惡劣呻完!!

好涷好涷...

2005-12-06T22:13:00.000+08:00

今朝起身時得11度涷到想死都突登著件厚少少的褸不過都係唔夠
睇來要買多件.....XD 返到青衣仲死 D風係咁吹埋來.... 如果有條脛巾就
好... 之後今日上英文又係寫信而且下星期就TEST 好彩今日都算應付
到.. 到左點半落堂就走人出去搵阿鋒...

JOIN左佢之後食少少野就去UNIQLO 大家有收穫佢買左件絨面的
西裝褸我就買左件V領泠衫但我仲有好多野未買唉... 之後過銅鑼灣
諗住陪佢買裇衫不過睇唔岩之後就WINDOW SHOPPING一陣就折
返旺角去左朗豪坊陪佢買SCHEDULE 之後就散水下個星期一齊溫書
同去買裇衫!!!!

JAVASCRIPT.......

2005-12-02T23:59:00.000+08:00

幾經努力終於攪掂份tutorial 之前讀pt雖然學過下java 但真係好煩不過
上堂起碼有左個底先... 下堂又唔知玩咩... 之後休息一,兩日又要開始攪
vaf份project同個presentaion 再之後又要做html的final assignment
唉~~~~~ 幾時先可以真正休息下睇來最快都要聖誕....

今日上完mk教的最後一堂D&T的LAB 下星期開始又要見CY井.... 有
少少掛住mk tim..... 今堂主要係噴油因為上堂整左隻mouse.. 但噴左
好耐都唔太好唉好煩攪到最後都係求其噴算等d油乾的時候又走左
去踢"現" 都係無咩進步要買番個屋企練下...

PROJECT+PRESENT+TEST

2005-11-30T22:09:00.000+08:00

今日又測完數學都係麻麻地始終graph溫得唔多 5題出左4題....
不過都執到少少分之後又走左去踢"現" 發覺返左學之後做多左運動
又打毛波,壁球,踢"現" 遲下仲可能打排球 XD 講番踢"現"先都係近呢
兩星期先開始今日開始可以用"失"頭控一控個"現"之後再踢不過成功率
不高不過尋日又拉親隻腳....

之後又講下份VAF PROJECT 今日問左阿TIM 佢話最好都係CUT好哂先
搵佢傾不過佢都有睇過不過覺得DATA不足睇來都係要補拍D SHOT...
之後HTML又有PROJECT 今次要做四版介紹自己點入手好呢..... 過多個
零星期英文又測WRITING... 唉開始覺得D時間唔夠用啦 YR1都咁樣到
YR2咪死得!?

VAF PROJECT首部曲完結..

2005-11-27T20:19:00.000+08:00

經過星期六及星期日終於拍好左我地project需要的片段下一步大致
上都係主力做editing 不過硬係覺得大澳d料唔夠可能會補下飛不過
比阿tim睇完先再算啦XDXD

講番星期六的行程 10:30準時返到學校集合齊人之後就過左去B210
借機之後大家就一齊出發入大澳!! 入到去都成點幾咁首先就週圍行
下先第一站就係侯王古廟影左兩個PAN SHOT就開始去搵人做訪問
不過問左三,四次都係失敗.. 不過經阿英的人事關係(?) 終於搵到一位親
戚幫手啦XDXD 好順利就做左一段訪問之後就開始繼續拍片沿途有
影下蝦膏廠同街市的情景之後係碼頭影左一個黃昏的SHOT就一齊搭船
走.....

到左今日拍攝的地點係灣仔都算係我的地頭既XD 今日一齊人之後就
去影左幾個大家熟悉的地方例如188商場,修頓球場同會展等等之後又
係影左幾個街景中途有好多人都幾好奇問我地拍緊咩~~ 之後今日就變
左我比人訪問感覺怪怪的之後大家一齊過尖咀影多兩個SHOT就走人~
之後大家就去星光大道行下不過李小龍個銅像仲未開幕... 之後去吉野家
食左少少野就散水...

係度點都要多謝herman,tony同阿英咁幫手大家都好努力去做今次的
project 做好哂editing之後我請食飯!!!!

好灰的一天

2005-11-22T22:06:00.000+08:00

今朝同尋日一樣又早左少少返學同阿東玩mario kart 大家都互有勝負
玩得幾開心.... 之後就準備上堂原來就係今日惡夢的開始... 一上到去同
上一堂一樣又係分組今日寫request letter 諗住無咩特別之後原來今
堂仲有講英文listenig同oral的成績一睇listening... 爭三分... james都有
講我空左好多題... 只怪自己listening聽得不太好.. 之後的oral仲死....
爭6分.. 唉... 到底自己發咩神經呀成日都係咁而家得番reading可以
搶分ja james都講明你今次起碼要拎50分以上.... 到底對自己的承諾可
唔可以履行? 希望係呢一個月的時候可以成功啦!!

之後出左旺角join阿鋒買野當然仲有搵佢呻下啦真係灰! 之後係
旺角搵唔到岩心水的野所以都係落尖咀睇原本有個都不錯但一睇
見價錢就知物非所值最後都係死死氣諗住去番旺角買但突然醒起無印
應該有我想要的野但新港0個間又摺左突然諗起之前話想去apm 於是
就一齊入左去仲買到想要的野!! 太開心啦~ 終於有一件事令我開心番~
之後又順手行下又搵到d岩心水的裇衫希望下個月可以買來比自己慶祝
啦!!!

之後又出番旺角join panda 好耐無試過三條友一齊食飯啦大家當然又係
講下d老話題唔經唔覺又成21:00 之後大家都各自歸家今日雖然有唔開心
的事但都有開心的事 XD 有你兩個陪我真好阿鋒下次溫書記得搵我呀!!

又有野想買啦....

2005-11-20T22:47:00.000+08:00

今朝訓訓下覺突然電話響原來係panda搵我 0個時先醒起今朝約左
panda去打機喎... 之後即刻起身換衫出門口.... 過到旺角見佢係度睇人
打緊原來係d人太多錢連機都跟唔到之後同佢行去油地睇下但結果
同上最後本身我都要落尖咀買花紙同紙袋咁就一齊行過去...

一路行當然又係離不開吹水啦行行下大家都覺得肚餓咁我提議去新港
個food court 去到人影都無隻好怪都成12:00啦喎... 之後又揀左大阪王將
同之前去apm0個次又係叫左炸雞set 今次都係食淨一件雞下次都係唔好
叫set 不過d雞真係不錯~~ 之後就行左去海洋中心0個邊睇野行左陣見到
d紙袋都唔太岩size 之後去左第二間買點知返到屋企先知細得滯唉!!!!

之後又搭車出返旺角又係行下朗豪坊見到G2000 d裇衫幾岩心水下個
月必入之後上無印想買番件線衫點知無左!!! 唉以後見到岩心水都係要
即刻入手之後去左行esprit 都係無咩野岩心水最後都係決定歸家其實
仲有海洋堂隻tamama想買不過都係下個月啦.. 希望仲有....

好耐無寫blog....

2005-11-19T23:52:00.000+08:00

其實都唔係無野寫既... 不過呢排日日都幾忙返到屋企都係hea下
無咩心機寫.. 之前終於考完html個test 初初睇完份野都唔係好知點
樣入手所以都係盡量做做完個table之後開始edit個form 但做極都
有幾格唔對位之後個frame又間多左一格唉...... 合格就一定無問題
只係應該唔會好高分........

呢兩日岩岩買左NDS隻MARIO KART 玩後感不錯!! 特別係對戰方面
之後未到最後關頭都未必分到勝負今日同ZERO,使徒,阿藍,肥鳥,何英
玩得好開心可惜大隊入左醫院我地等你對戰呀!!! 下星期再同大家對決!

open day的總結...

2005-11-13T22:11:00.000+08:00

兩日的OPEN DAY好快就過左呢兩日過得好開心睇住間房由初初人流
泠清慢慢變到人山人海的感覺真係.....XDXD 第一日主要參觀的人都係中學
生仲見到以前間中學的學生來參觀~ 兩日我都係負責抽獎的COUNTER
所以都接觸到幾多人間唔中就同阿東,herman佢地去下隔離間gameroom
睇下野同打機~~ 咁樣好快又一日~~

之後第二日一返到去又準備下d禮物同單張的野咁好快又到10:00開門...
今日比較特別比BSM的同學係樓梯口不停拉客上四樓XD 之後大家都係度
起哄不過大家都係玩下之後佢地走入來不停抽獎抽左我地好多野走呀....
之後有幾個女仔都好好人幫我地手宣傳同幫人打下印仔~~ 過左14:00之後
就開始比較泠清之後都開始HEA下好快又到18:00 之後就走人啦~~ 希望
下年的OPEN DAY都可以咁開心

OPEN DAY前夕!!

2005-11-10T23:59:00.000+08:00

今日一上完堂就去左搵露比準備整BOARD!! 之前都已經睇過下環境
一去到就見到b班的三個女仔剪緊野但當我地想起要用d草稿時先醒起
放左係阿豆個locker 但阿豆已經走左=__=" 咁唯有再諗過啦... 初初都係
無咩頭緒而且又上唔到網搵野所以都係hea下... 到左16:00終於開始的起
心肝做野啦.....

今次有三個board要整包括左flash,toy同media的野初初都係主力幫手
做左個底先阿東同阿鴻就畫字~ 阿晶就畫公仔~ 初初都係做得比較慢但
一聽到話18:30會走人用房之後大家都開始加快速度去整攪攪下就去到成
21:30 進度良好聽朝再做埋d手尾!!!

之後同阿英,阿晶同阿東落左葵芳食飯大家都有一個感覺好累... 但今日過
得好開心!!!! 好耐無試過有咁既感覺啦!! 之後一路食一路吹水最後就各自歸
家~~ 聽日OPEN DAY大家要努力呀!! XD

ORAL要PASS呀...

2005-11-08T19:47:00.000+08:00

今日一返到去就見阿東同阿豆係度溫緊NOTES 咁就繼續溫....
溫左陣TONY就返到來大家都開始夾下之後就上左去準備一入到去
就拎左份野先之後就開始不過始終講得唔太好硬係覺得講少左野
希望PASS啦.....

之後等齊人考完就去搵RUBY準備做OPEN DAY D野開始傾下仲爭D咩
之後提議要買D卡紙之後就比人老屈左出去買... 我出開旺角0者... 其他人
又話唔得閒喵的之後去左攪重到死聽日仲要拎番去唉........ 好彩今日
買到褲算啦... 下星期HTML的TEST唔可以有差池!!

oral 好多野記呀....

2005-11-07T22:46:00.000+08:00

今朝一返學校就見到張memo話jacomb哥又病左咁快又病過!! 之前
0個堂都未補返呀之後去左canteen hea.... 食完早餐同玩左陣uno就
差唔多夠鐘上ruby 0個堂不過今日原來無tutorial做要我地幫手攪
open day的野其一就係畫畫... 最後都交到少少野比佢聽日放學先再
去幫佢手啦.......

聽日要考oral 總共有5個situation揀而家溫習中不過都係無咩
心機=__="聽日都係要早d返去同tony夾下.... 另外希望聽日買到
褲啦 XDXD

星期六~__~

2005-11-06T00:54:00.000+08:00

尋日一朝早10:30就起左身因為今日要去中環交收d野不過都係遲左...
一起身就換衫出門口落到去就準時交收同吹左陣水之後就行左返去銀行
搵下d人~ 一返到去就搵阿旳話題當然又係相機~~ 之前佢bid左部minox
的機仔原來仲影左好幾筒菲林好快呀我影一筒就影成大半年唉........
之後問佢Joyce有無返原來返大假... 仲諗住見下佢之後Fiona經過.....
原來有客搵阿旳咁唯有下次再傾..

之後落番地下就同蚊姨,珠珠傾左一陣講的野都係關於近況之後當然
要同以前好拍檔吹下水啦XDXD 從佢口中得知某人的一件事聽了都係
無咩特別感覺證明我已經完全放低! 之後又係我講下0個班D人和事比
佢知跟著又搵Fiona同Joanna傾左一陣望下鐘原來又就一點之後就
走了....

搭車出番旺角再join大隊佢地行情照舊不過夜晚食飯就得我,大隊
肥鳥同zero 算係比較少人的一次行左好耐都無野食岩心水最後返
去食小菜 XD 大家食飯期間又講番d童年往事~ 幾開心~~ 之後又去返
聯合打機玩bg時成日撞到zero 睇來都係操下先再玩對戰之後玩多兩
鋪WCCF就散水

quiz.... 好多題唔識呀........

2005-11-02T20:12:00.000+08:00

今日係DCTI的QUIZ 之前都有溫下不過就唔太入腦之後到考0個時
死啦... 好多唔識呀已經心知不妙唯有盡量做不過都有好幾題唔識...
我只係想合格ja...... 係時候要加倍努力啦! 下星期的oral 唔可以再衰!!!

之後放學同阿豆去左打壁球最衰阿晶同jerrey都唔來唯有我地自己
打打多左陣開波好左但都係成日打唔中個波......XD 之後阿東同阿鴻
亂入咁同阿豆打下計分點知唔小心打中阿豆個嘴攪到腫左..... SORRY
呀.... 唯有請佢食野下次我會小心D.... 今日睇來好多野都唔太順利.....

再續與王子的約會? XD + 星期五的羽毛球對決? XD

2005-10-29T00:49:00.000+08:00

尋晚終於可以同王子去尖沙咀買衫真好:o69: 見時間尚早都係行左去
uniqlo買野去到無耐王子同我都搵到目標不過王子試完衫之後覺得
唔太岩身最後都係無睇來真係要減肥啦 XDXD 之後又行左過SOGO
食野今次試拉麵份量算中等味道算過得去之後每人再買多兩個薯餅
今次除左牛肉另外再試蝦肉不過始終都係牛肉才是皇道

之後又再慢慢行去旺角同上次一樣大家又開始講下D事非好快就行
到去旺角同王子上信和搵書但最後又係空手而回之後上無印睇衫
睇中件V領泠衫 $195ja... 不過天氣仲係有d熱都係遲下先買之後去左
m記坐左陣就各自歸家~

今日因為阿東book左場所以突登早兩個鐘返去打羽毛球~ 經過個多
星期的練習(?) 而家d手勢熟練左好多起碼開波失誤的次數已經少左
好多同阿晶和新識的阿鋒互相打左十幾分鐘之後就自己去貫水飲
返到來見阿豆都來左就睇下佢地打隔左一陣就同佢地玩雙打初初
係我拍阿晶阿豆拍阿東打左兩盤大家都互有領先不過最後我地都
輸左XD 之後我去拍阿東初初大家都無咩連携但打左幾球就開始好
好多不過成日比阿豆D陰招得手!! 最後我同阿東都羸番一盤好開心~
星期一我地再決戰啦阿豆!!

童夢....

2005-10-23T21:36:00.000+08:00

尋日去左睇童夢奇緣雖然係遲左少少... 原本尋日係我,王子,大隊同阿藍
去睇不過我無講清楚睇幾點攪到阿藍趕唔切 sorry..... 之後就我地都準
時入場初段的劇情比較輕鬆例如一開頭講少年版劉德華離家出走比飾
演爸爸的黃日華搵到劉德華開出條件要比$300佢先肯返屋企係現場
飾演警察的杜汶澤同田芯妮又係度嘈交

去到中段當劉德華開始長大時返去搵飾演老師的應采兒有一個位係
應采兒想同劉德華kiss 但劉德華竟然掛住睇佢0個三個耳孔=___="
之後劉德華開始變到老年原本相約好同她去睇戲但最後無去之
後係戲院門口企當戲院關門時佢問應采兒你係唔係等人?你會唔會
嬲佢唔來她話 "唔會我仲有時間等" 聽到呢句我又諗起某人....

到後段劉德華去搵爸爸相認呢一刻劉德華終於知錯睇到呢度都開始
漂下眼水最後又同莫文蔚和好如初整體上由中段開始已經有唔少
touching位同王子都覺得相認呢一段比較感動不過大隊話呢套唔夠
催淚可能大隊太邪惡啦XDXD

雜記一則....

2005-10-21T23:33:00.000+08:00

今日又係要上D&T的LAB 今個第一次畫立體圖以為好難原來又唔係喎
都係好簡單咁拉幾條直線鈄線就攪掂但今日阿豆就畫極都畫唔掂 D線成
日拉錯XDXD 咁似上堂的我既........ 另外今日有堂VAF的LECTURE 講左
D電影的歷史幾吸引又同TONY講下近排睇左D咩戲今日先知TONY
原來好鍾意睇戲~~ 之後阿SIR就播左戀愛的地圖的其中一個故事"台北編"
比我地睇 D對白好攪笑一個台灣人同日本人係度不停雞同鴨講XD

到左5點幾落堂就準備走 JERREY今日參加左band soc的o' night 咁陪
佢HEA一陣點知原來JJ都有去之後我同阿東就聽到JERREY講唔係
咁想同JJ一齊去係呢刻大家的想法都好一致覺得JJ係好麻煩講野無
聊又多廢話之前仲要坤人去做傳銷初初以為只有我係咁諗原來大半
班的諗法都係咁哈....